Prinsessan af Wa­les lagðist undir hnífinn

Þetta segir í tilkynningu frá Kensington-höll. 

Þar segir að aðgerðin hafi verið skipulögð fyrir fram og hún hafi tekist vel. Hins vegar kemur ekki fram hvernig aðgerð um var að ræða.

Einnig kemur þar fram að prinsessan vilji biðjast afsökunar á því að þurfa að fresta væntanlegum viðburðum. „Miðað við ráðleggingar lækna er ólíklegt að hún snúi aftur til opinberra skylduverka sinna fyrr en eftir páska,“ segir í tilkynningunni.

Þá segir að prinsessan vilji halda fjölskyldulífi sínu sem eðlilegustu fyrir börn sín og óskar eftir því að upplýsingar um heilbrigði sitt verði ekki gerðar opinberar. Kensington-höll muni greina frá því þegar nýjar fréttir af heilsu hennar berast.