Bergrós stimplaði sig inn á fyrsta deginum með stóru stelpunum

Þetta er eitt af stóru CrossFit mótum ársins og það var gaman að sjá þessa stórefnilegu CrossFit konu stimpla sig inn meðal stóru stelpnanna.

Þetta er fyrsta reynsla Bergrósar á því að keppa við bestu CrossFit konum heims enda hefur hún hingað til verið að keppa í unglingaflokki.

Bergrós minnsti vel á sig á fyrsta deginum og þá sérstaklega í fyrstu greininni. Bergrós náði fimmta sætinu í fyrstu grein þar sem hún snaraði 86 kílóum og náði síðan að taka fjórar hnébeygjur með stöngina fyrir ofan höfuð.

Hún endaði í 26. sæti í annarri greininni og í lokagrein dagsins var tvískipt. Hún endaði þar í 33. og 38. sæti. Það hellirigndi á meðan lokagreinar dagsins fóru fram sem gerði allt mun erfiðara.

Bergrós var spáð fertugasta og síðasta sæti fyrir keppnina en er með fjórtán konur fyrir neðan sig á stigalistanum. Hún ætti því að vera sátt með þennan fyrsta tímamótadag sinn. Hér má sjá stöðuna.

Keppninni lýkur í dag en fyrri grein dagsins er sundgrein sem hefst klukkan 20.30 að íslenskum tíma.