Óskiljanlegt að lífeyrissjóðir taki ekki utan um Grindvíkinga Oddur Ævar Gunnarsson skrifar 5. janúar 2024 08:55 Sigurður Ingi Jóhannsson, innviðaráðherra. Vísir/Vilhelm Sigurður Ingi Jóhannsson, innviðaráðherra, segir stjórnvöld hafa staðið í þeirri trú að lífeyrissjóðir myndu fylgja fordæmi bankanna og standa með lántakendum sínum í Grindavík. Hann segir illskiljanlegt hvers vegna einstaka lífeyrissjóðir taki ekki utan um einstaka lántaka. Þetta kom fram á Bítinu í Bylgjunni í morgun. Hilmar Gunnarsson, íbúi í Grindavík, sagði í gær að margir Grindvíkingar, sem væru með lán hjá lífeyrissjóðum eða væru leigjendur, væru komnir í þrot vegna reikninga. Stjórnvöld hefðu ekkert gert fyrir hópinn, sem væri ráðalaus. Túlkun lífeyrissjóða álitamál Áður hafa lífeyrissjóðir lýst því yfir að þeim sé ekki heimilt að fella niður vexti og verðbætur Grindvíkinga, líkt og viðskiptabankarnir þrír gerðu í nóvember. Lífeyrissjóðir hafa bent á að þeim sé óheimilt að ráðstafa fjármunum í öðrum tilgangi en að greiða lífeyri. Sigurður Ingi segir í Bítinu ljóst að það sé álitamál. Vísar hann til lögfræðiálits sem unnin hafi verið fyrir verkalýðsfélög Grindavíkur og VR. „En látum það vera að þeir telji það þurfa, þá þarf það væntanlega að koma til kasta þingsins aftur og endurskoðunar í fjármálaráðuneytinu og var skoðað í desember en þá töldu menn að lífeyrissjóðirnir myndu taka á þessu,“ segir Sigurður Ingi. „Og ég held að þeir hefðu nú bara skoðað það, á góðri íslensku, case by case einfaldlega og létt þessum þrýstingi af þeirra lántökum, alveg óháð því hvort að þeir telji að það þurfi einhverja almenna lagabreytingu, sem er greinilega umdeilanleg vegna þess að þarna liggur fyrir annað lögfræðiálit sem segir allt annað.“ Óboðlegar aðstæður Sigurður Ingi segist vera sammála Hilmari í því að það sé óboðlegt að margir séu að greiða alla sína reikninga, allt að átta hundruð þúsund krónur á mánuði bara til þess að hafa þak yfir höfuðið. „Við erum bara algjörlega sammála því. Þess vegna segi ég, að ég bara trúi því ekki að einstaka lífeyrissjóðir séu ekki að taka utan um hvern og einn einstaka lántaka sem þarna er,“ segir Sigurður Ingi. „Vegna þess að það er bara eitthvað óskiljanlegt og ef menn eru að fela sig á bakvið það að það þurfi einhverja lagabreytingu þá bara þurfa þeir að koma til ríkisins og segja, eða til Alþingis og segja: „Heyrðu, við viljum eðlilega eins og allir aðrir koma til móts við þetta fólk sem situr við óeðlilegar og óvenjulegar og algjörlega fordæmalausar aðstæður, en við megum það ekki, þannig að þið verðið að breyta lögunum svo við getum gert það.“ Þeir hljóta að vilja það. Það hlýtur að vera meginmálið.“ Lífeyrissjóðirnir myndu fylgja Hefur ekki komið til tals hjá ríkisstjórninni að kalla menn til fundar frá lífeyrissjóðunum? „Jú jú, það var rætt í desember og það var talið þá, á sama hátt og fjármálafyrirtækin, og þetta er inni í fjármálaráðuneyti, var til skoðunar þá, að það væri niðurstaðan að þetta myndi leysast, sem það hefur greinilega ekki gert og þá þarf að halda bara áfram að fylgja því eftir.“ Stóðuð þið í þeirri trú að lífeyrissjóðirnir myndu fylgja fordæmi bankanna? „Já, allavega við, sem vorum þarna á þinginu á seinustu dögum, stóðum í þeirri trú þegar við vorum að breyta ýmsum lögum. Vegna þess að, þú spurðir Heimir, ætti þetta ekki bara að vera klárt? Jú jú en ef það stendur ekki í lögunum nákvæmlega hvað er, til dæmis fordæmi, að þú þurfir að rýma vegna náttúruváar, hvað gerist þá, þá þurftum við að setja það inn í lögin, til að mynda varðandi leigjendur.“ Sigurður Ingi segist skilja áhyggjur annarra yfir því að aðgerðir til hjálpar lántakenda geti bitnað á greiðslum annarra til framtíðar hjá lífeyrissjóðum. Um sé hinsvegar að ræða lítinn hóp. „Þetta er eins og þið nefnduð, þetta eru hundrað manns. Þetta skiptir engu máli í stóra samhenginu.“ Þannig það er engin raunveruleg ástæða, forsendur hjá lífeyrissjóðunum að koma ekki til móts við fólkið? „Miðað við það sem ég hef nú séð í þessu lögfræðiáliti sem þeir félagar voru með, þá er það að lágmarki umdeilanlegt og þeir geta ekki falið sig á bakvið það og þeir eiga auðvitað að taka utan um hvern og einn einstakling, það liggur í augum uppi.“ Grindavík Eldgos og jarðhræringar Eldgos á Reykjanesskaga Lífeyrissjóðir Ríkisstjórn Katrínar Jakobsdóttur Mest lesið Stafræn skírteini hætta í símaveskjum Innlent Slævandi lyf og lágt sætisbak dráttarvélar orsakir banaslyss Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Dæmdur í 21 árs fangelsi fyrir að nauðga tugum skjólstæðinga Erlent Íbúar leiti réttar síns vegna flautsins: „Þetta er lýðheilsuógn“ Innlent Fyrirsjáanlegar deilur: Valdamesti maður heims og sá ríkasti hnakkrífast Erlent Framtíð kirkjunnar enn óráðin Innlent Reyna að stilla til friðar með símtali Erlent Ásthildur Lóa skammar þingheim Innlent Eldar loguðu í Kænugarði eftir umfangsmiklar árásir Rússa Erlent Fleiri fréttir Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Sjá meira
Þetta kom fram á Bítinu í Bylgjunni í morgun. Hilmar Gunnarsson, íbúi í Grindavík, sagði í gær að margir Grindvíkingar, sem væru með lán hjá lífeyrissjóðum eða væru leigjendur, væru komnir í þrot vegna reikninga. Stjórnvöld hefðu ekkert gert fyrir hópinn, sem væri ráðalaus. Túlkun lífeyrissjóða álitamál Áður hafa lífeyrissjóðir lýst því yfir að þeim sé ekki heimilt að fella niður vexti og verðbætur Grindvíkinga, líkt og viðskiptabankarnir þrír gerðu í nóvember. Lífeyrissjóðir hafa bent á að þeim sé óheimilt að ráðstafa fjármunum í öðrum tilgangi en að greiða lífeyri. Sigurður Ingi segir í Bítinu ljóst að það sé álitamál. Vísar hann til lögfræðiálits sem unnin hafi verið fyrir verkalýðsfélög Grindavíkur og VR. „En látum það vera að þeir telji það þurfa, þá þarf það væntanlega að koma til kasta þingsins aftur og endurskoðunar í fjármálaráðuneytinu og var skoðað í desember en þá töldu menn að lífeyrissjóðirnir myndu taka á þessu,“ segir Sigurður Ingi. „Og ég held að þeir hefðu nú bara skoðað það, á góðri íslensku, case by case einfaldlega og létt þessum þrýstingi af þeirra lántökum, alveg óháð því hvort að þeir telji að það þurfi einhverja almenna lagabreytingu, sem er greinilega umdeilanleg vegna þess að þarna liggur fyrir annað lögfræðiálit sem segir allt annað.“ Óboðlegar aðstæður Sigurður Ingi segist vera sammála Hilmari í því að það sé óboðlegt að margir séu að greiða alla sína reikninga, allt að átta hundruð þúsund krónur á mánuði bara til þess að hafa þak yfir höfuðið. „Við erum bara algjörlega sammála því. Þess vegna segi ég, að ég bara trúi því ekki að einstaka lífeyrissjóðir séu ekki að taka utan um hvern og einn einstaka lántaka sem þarna er,“ segir Sigurður Ingi. „Vegna þess að það er bara eitthvað óskiljanlegt og ef menn eru að fela sig á bakvið það að það þurfi einhverja lagabreytingu þá bara þurfa þeir að koma til ríkisins og segja, eða til Alþingis og segja: „Heyrðu, við viljum eðlilega eins og allir aðrir koma til móts við þetta fólk sem situr við óeðlilegar og óvenjulegar og algjörlega fordæmalausar aðstæður, en við megum það ekki, þannig að þið verðið að breyta lögunum svo við getum gert það.“ Þeir hljóta að vilja það. Það hlýtur að vera meginmálið.“ Lífeyrissjóðirnir myndu fylgja Hefur ekki komið til tals hjá ríkisstjórninni að kalla menn til fundar frá lífeyrissjóðunum? „Jú jú, það var rætt í desember og það var talið þá, á sama hátt og fjármálafyrirtækin, og þetta er inni í fjármálaráðuneyti, var til skoðunar þá, að það væri niðurstaðan að þetta myndi leysast, sem það hefur greinilega ekki gert og þá þarf að halda bara áfram að fylgja því eftir.“ Stóðuð þið í þeirri trú að lífeyrissjóðirnir myndu fylgja fordæmi bankanna? „Já, allavega við, sem vorum þarna á þinginu á seinustu dögum, stóðum í þeirri trú þegar við vorum að breyta ýmsum lögum. Vegna þess að, þú spurðir Heimir, ætti þetta ekki bara að vera klárt? Jú jú en ef það stendur ekki í lögunum nákvæmlega hvað er, til dæmis fordæmi, að þú þurfir að rýma vegna náttúruváar, hvað gerist þá, þá þurftum við að setja það inn í lögin, til að mynda varðandi leigjendur.“ Sigurður Ingi segist skilja áhyggjur annarra yfir því að aðgerðir til hjálpar lántakenda geti bitnað á greiðslum annarra til framtíðar hjá lífeyrissjóðum. Um sé hinsvegar að ræða lítinn hóp. „Þetta er eins og þið nefnduð, þetta eru hundrað manns. Þetta skiptir engu máli í stóra samhenginu.“ Þannig það er engin raunveruleg ástæða, forsendur hjá lífeyrissjóðunum að koma ekki til móts við fólkið? „Miðað við það sem ég hef nú séð í þessu lögfræðiáliti sem þeir félagar voru með, þá er það að lágmarki umdeilanlegt og þeir geta ekki falið sig á bakvið það og þeir eiga auðvitað að taka utan um hvern og einn einstakling, það liggur í augum uppi.“
Grindavík Eldgos og jarðhræringar Eldgos á Reykjanesskaga Lífeyrissjóðir Ríkisstjórn Katrínar Jakobsdóttur Mest lesið Stafræn skírteini hætta í símaveskjum Innlent Slævandi lyf og lágt sætisbak dráttarvélar orsakir banaslyss Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Dæmdur í 21 árs fangelsi fyrir að nauðga tugum skjólstæðinga Erlent Íbúar leiti réttar síns vegna flautsins: „Þetta er lýðheilsuógn“ Innlent Fyrirsjáanlegar deilur: Valdamesti maður heims og sá ríkasti hnakkrífast Erlent Framtíð kirkjunnar enn óráðin Innlent Reyna að stilla til friðar með símtali Erlent Ásthildur Lóa skammar þingheim Innlent Eldar loguðu í Kænugarði eftir umfangsmiklar árásir Rússa Erlent Fleiri fréttir Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Slævandi lyf og lágt sætisbak dráttarvélar orsakir banaslyss Launahækkanir ráðamanna og rifrildi Trumps og Musks í hádegisfréttum Aflýsa óvissustigi vegna norðanáhlaupsins Tveggja ára fangelsi fyrir ofbeldi gegn tveimur konum og karli Aflamark þorsks lækkað og reiknað með að stofninn minnki áfram Fær bætur 45 árum eftir föðurmissinn: „Varð eiginlega tíu ára aftur“ Neitaði að blása í áfengismæli Stafræn skírteini hætta í símaveskjum Mörgu ábótavant við byggingu Brákarborgar Framtíð kirkjunnar enn óráðin Strandveiðisjómenn vilji aftur fá kvóta sem þeir hafi selt frá sér Nýtt slagorð Ísland Duty Free: „Ég er á leiðinni“ Börn verði að fá þau skilaboð að ofbeldi gegn þeim sé aldrei réttlætanlegt Gestum ráðið frá að heimsækja Dettifoss vegna stórrar skriðu Inga Sæland segist vera allt of löt að hreyfa sig Fá Barnaverndarmál leiða til ákæru og Herkastalinn í nýjar hendur Ísland, þvert á flokka boðar til annarra mótmæla Parísarhjólið rís á ný Lögregla fann bakpoka fullan af skilríkjum Braust inn hjá vinsælum hársnyrti og hafði af honum vegabréfið Sérsveitin kölluð út vegna vopnaðs manns Ferðamaður ók húsbíl niður göngustíg Biðjast afsökunar á ummælum björgunarmanns Dómar fólks sem sótti fíkniefni fyrir salann sinn mildaðir Sjá meira