Rob Cross í undan­úr­slit eftir ó­trú­lega endur­komu

Chris Dobey var með öll völdin í einvíginu framan af og vann hann fyrstu fjögur settin og var því aðeins einu setti frá því að tryggja sér í undanúrslitin.

Þá tók fyrrum heimsmeistarinn, Rob Cross, þó við sér og sagði hingað og ekki lengra og við tók ótrúleg endurkoma þar sem hann jafnaði leikinn í 4-4.

Í níunda settinu náði Rob forystunni og komst í 1-0 en Chris Dobey virtist þá vakna á ný og varð einvígið hnífjafnt. Dobey náði að jafna lokasettið í 2-2 og því þurfi að grípa til bráðabana.

Í bráðabananum þurfti að vinna með tveggja leggja mun og var það Rob Cross að lokum sem náði því með því að vinna síðasta settið 3-5 og fullkomnaði hann því endurkomu sína. Hann er því kominn í undanúrslitin en það ræðst í kvöld hverjum hann mun mæta þar.