Gantz segir að stjórnvöld í Líbanon og heimurinn allur verði að bregðast við árásum vígamanna sem skjóta eldflaugum á norðurhluta Ísraels frá Líbanon. Tíminn sé að renna út og ef ekkert verði að gert stefni í átök á landamærunum.
Árásum frá Líbanon hefur fjölgað frá 7. október þegar Hamas samtökin gerðu árás á Ísrael frá Gasa og óttast sérfræðingar að átökin geti þannig breiðst út um svæðið.
Ísraelar hafa margoft gert árásir á vígamenn handan landamæranna að Líbanon síðustu vikur en Gantz virðist nú hóta beinni hernaðarlegri íhlutun ef árásunum linnir ekki.
