Við fjöllum um stöðuna og sýnum myndir frá svæðum sem undir eru í óvissustigi í sérstökum hádegisfréttatíma Stöðvar 2 klukkan 12 á aðfangadag.
Þá förum við yfir helstu vendingar á Gasasvæðinu í dag og kíkjum á Kaffistofu Samhjálpar, þar sem hátt í þrjú hundruð manns munu mæta til hátíðarhádegisverðar.
Við verðum í beinni frá Skeifunni þar sem nú eru síðustu forvöð að græja jólamatinn. Við ræðum við fólk sem einmitt er í þeim sporum - og spyrjum það að sjálfsögðu hvað það hyggst hafa í jólamatinn.
