Viðskipti erlent

Threads að­gengi­legt á Ís­landi

Samúel Karl Ólason skrifar
Threads er nú aðgengilegt víða í Evrópu.
Threads er nú aðgengilegt víða í Evrópu. Getty/Jonathan Raa

Forsvarsmenn Meta, áður Facebook, hafa gert samskiptaforritið Threads aðgengilegt víða í Evrópu og þar á meðal á Íslandi. Enn sem komið er virðist forritið aðeins aðgengilegt í tölvum og í símum Apple.

Það virðist enn ekki aðgengilegt í símum sem keyra á Android stýrikerfinu, þegar þetta er skrifað.

Threads líkist X, áður Twitter, töluvert og er ætlað að keppa við það forrit. Það byggir á tiltöulega stuttum færslum en einnig er hægt að deila hlekkjum, myndum og allt að fimm mínútna myndböndum.

Forritið, sem tengist Instagram, öðrum samfélagsmiðli Meta, var fyrst gert aðgengilegt vestanhafs í sumar en ekki hér í Evrópu. Var það vegna strangra persónuverndarreglna Evrópusambandsins, sem komu niður á söfnun Meta á persónuupplýsingum notenda.

Í sumar sögðu forsvarsmenn Meta að ekki stæði til að opna á forritið í Evrópu.

Sjá einnig: Twitter-líki Meta ekki að­gengi­legt í Evrópu

Mark Zuckerberg, forstjóri Meta, skrifaði svo í færslu á Threads í dag að búið væri að opna á forritið í Evrópu.

Elon Musk, eigandi X, hefur hótað því að höfða mál gegn Meta á grunni þess að Threads líkist samfélagsmiðlinum X of mikið. Þá hafi Meta ráðið fyrrverandi starfsmenn Twitter til að þróa Threads.

Meta X (Twitter) Evrópusambandið Samfélagsmiðlar

Tengdar fréttir

Fimmtán hundruð krónur fyr­ir Fac­e­bo­ok án aug­lýs­ing­a

Forsvarsmenn Meta, áður Facebook, íhuga að bjóða notendum Instagram og Facebook í Evrópu að borga tæplega fimmtán hundruð krónur fyrir áskrift. Í staðinn myndi fyrirtækið ekki nota persónuupplýsingar samfélagsmiðlanotenda til að sýna notendunum auglýsingar.

Hóta samtökum gegn hatursorðræðu lögsókn

Forsvarsmenn samtaka sem vakta hatursorðræðu á samfélagsmiðlum segja að þeim hafi borist hótunarbréf frá lögmönnum X Corp, áður Twitter. Í bréfinu segja lögmenn X Corp að samtökin The Center for Countering Digital Hate (CCDH) séu að reyna að skaða samfélagsmiðilinn sem nú heitir X og hóta þeir að höfða mál gegn samtökunum.

Twitter hótar lögsókn

Samfélagsmiðillinn Twitter hefur hótað samfélagsmiðlafyrirtækinu Meta lögsókn vegna nýs forrits sem kallast Threads eða „Þræðir“. Segir Twitter að uppbygging miðilsins gangi í berhögg við höfundarrétt þess.

Face­book hyggst setja Twitter klón í loftið á fimmtu­dag

Banda­ríska sam­fé­lags­miðla­fyrir­tækið Meta sem rekur Face­book og Insta­gram hefur til­kynnt að það muni setja nýjan sam­fé­lags­miðil sinn, Threads, í loftið næsta fimmtu­dag. Miðlinum er ætlað að eiga í beinni sam­keppni við sam­fé­lags­miðilinn Twitter.



Mest lesið


Fleiri fréttir

Sjá meira


×

Mest lesið