Bylgjan órafmögnuð hringir inn jólin

Á tónleikunum munu flytjendurnir sex flytja eitt jólalag ásamt því að spjalla um allt sem viðkemur jólunum og jólahefðum við Völu Eiríks útvarpskonu. 

Í samtali við Vísi í gær sagði Vala Eiríks að Bylgjan órafmögnuð hafi heppnast frábærlega í ár. „Það kom mér einnig skemmtilega á óvart í jólaþættinum hvað hann inniheldur fjölbreytt lagaval. Mér fannst val þeirra á jólalögum ekki vera fyrirsjáanleg sem gerði þáttinn bara enn skemmtilegri.“

Þeir listamenn sem koma fram eru: Friðrik Dór, Ragga Gísla, Jóhanna Guðrún, Klara Elías, Jónas Sig og Una Torfa.

Horfa má á tónleikana í spilaranum hér fyrir neðan eða á sjónvarpsstöðinni Stöð 2 Vísi í myndlykli.

Tónleikarnir hefjast á slaginu 20:00.

Hægt er að horfa á alla tónleikana í tónleikaröðinni hér fyrir neðan:

2. nóvember: Jóhanna Guðrún

9. nóvember: Klara Elías

16. nóvember: Friðrik Dór

23. nóvember: Una Torfa

30. nóvember: Ragga Gísla

7. desember: Jónas Sig

14. desember: Jólaþáttur með öllum söngvurunum