Fótbolti

Þriðji leikurinn í röð án sigurs hjá Willum og fé­lögum

Hjörtur Leó Guðjónsson skrifar
Willum Þór og félagar þurftu að sætta sig við tap í dag.
Willum Þór og félagar þurftu að sætta sig við tap í dag. Vísir/Getty

Willum Þór Willumsson og félagar hans í Go Ahead Eagles máttu þola 0-2 tap er liðið tók á móti Utrecht í hollensku úrvalsdeildinni í knattspyrnu í dag.

Willum var á sínum stað í byrjunarliði Go Ahead Eagles en það voru gestirnir í Utrecht sem tóku forystuna á tíundu mínútu með marki frá Victor Jensen áður en Bart Ramselaar tvöfaldaði forystuna eftir tæplega hálftíma leik.

Reyndust það að lokum einu mörk leiksins og niðurstaðan varð 0-2 sigur heimamanna sem nú eru með 16 stig í 13. sæti deildarinnar eftir 15 leiki. 

Willum og félagar sitja hins vegar í sjötta sæti með 22 stig og eru án sigurs í seinustu þremur deildarleikjum. Liðið hefur tapað tveimur leikjum í röð og gerði jafntefli gegn Nijmegen þann 26. nóvember síðastliðinn.

Hollenski boltinn

Mest lesið


Fleiri fréttir

Sjá meira


×

Mest lesið