„Vonandi getum við skemmt partýið“ Aron Guðmundsson skrifar 16. nóvember 2023 10:00 Jóhann Berg Guðmundsson í leik með íslenska landsliðinu Vísir/Vilhelm Jóhann Berg Guðmundsson mun bera fyrirliðabandið er Ísland heimsækir Slóvakíu í undankeppni EM í fótbolta í Bratislava í kvöld. Íslenska liðið á harma að hefna eftir fyrri leik liðanna fyrr á árinu og ætlar sér að skemma partýhöld Slóvaka sem geta tryggt sér EM sæti með jafntefli eða sigri. Það er uppselt á leik Slóvakíu og Íslands í kvöld sem fer fram Tehelné pole leikvanginum í Bratislava sem tekur um 20 þúsund manns í sæti. Í sumar fór fyrri leikur liðanna á Laugardalsvelli 2-1 fyrir Slóvakíu. Leikur sem íslenska liðið hefði átt að vera búið að klára. Klippa: Jóhann Berg: Það er öll pressan á þeim „Við eigum harma að hefna eftir leikinn heima í sumar á móti þeim,“ segir Jóhann Berg. „Þar hefðum við átt að klára leikinn í fyrri hálfleik og skora fleiri mörk. Þeir koma svo og vinna leikinn sem var gríðarlega svekkjandi. Í kvöld eigum við séns á því að ná í þrjá punkta og það er auðvitað stefnan.“ Íslenska liðið hefur haldið til í Vínarborg frá því í upphafi vikunnar og æft þar af krafti. Liðið kom til Bratislava í gær eftir um klukkustundar ferðalag. „Fínn en stuttur undirbúningur. Þetta eru fáar æfingar sem við höfum náð saman allur hópurinn en við en þetta hafa verið flottar æfingar. Við vitum alveg nákvæmlega hvað við ætlum að gera á morgun. Svo er það bara að fara út á völl á morgun þar sem við munum sýna hvað í okkur býr.“ Jóhann Berg hefur marga fjöruna sopið með íslenska landsliðinu og veit hvernig það er að halda inn í leiki þar sem öll pressan er á þér að ná úrslitum. Þannig stöðu eru Slóvakarnir nú í á heimavelli. Þessir 20 þúsund Slóvakar sem verða á vellinum í kvöld búast við því að EM sætið verði tryggt. „Það er auðvitað gríðarleg pressa á þeim hérna á heimavelli. Það er fullur völlur hérna á morgun og vonandi flott stemning. Við höfum gaman af því að spila á svona útivöllum. Vonandi getum við farið og skemmt partýið eins og sagt er. Við vitum að við eigum alveg séns á því. Það er öll pressan á þeim, þeir ætla að halda partý hérna á morgun og það er undir okkur komið að skemma það.“ Möguleikar íslenska liðsins á því að tryggja sér EM sæti í gegnum undankeppnina eru til staðar en þó litlir nú þegar að tvær umferðir eru eftir. Liðið þarf að vinna báða sína leiki, gegn Slóvakíu og Portúgal, sem og treysta á að Slóvakía tapi fyrir Bosníu & Herzegóvínu í lokaumferðinni. Þá er annar möguleiki í stöðunni ef það mistekst. Væntanlegt umspil í gegnum Þjóðadeild UEFA í mars á næsta ári. Hafið þið enn trú á því að geta tryggt EM sætið í þessari undankeppni? „Það verður mjög erfitt. Við þurfum að vonast til þess að úrslitin detti fyrir okkur. Eina sem við getum gert og haft áhrif á er að fara inn í leikinn gegn Slóvakíu og reyna að sækja þessa þrjá punkta sem í boði eru. Vonandi detta önnur úrslit með okkur og kannski getum við farið til Portúgal og gert eitthvað þar. Við tökum bara leikinn á morgun og reynum að spila vel. Svo kemur í ljós hvað gerist.“ Jóhann Berg mun bera fyrirliðabandið í leik kvöldsins. Það hefur hann gert nokkrum sinnum áður en segir það skipta litlu máli hvort hann sé með bandið eða ekki. Það sé alltaf einstakt að spila fyrir Ísland. „Það er alltaf sérstakt að spila fyrir landsliðið og auðvitað líka mjög gaman þegar að maður ber fyrirliðabandið. Fyrir mér skiptir það svo sem ekki miklu máli. Bara að fá að spila fyrir Íslands hönd er einstakt og hefur verið það frá því að ég byrjaði á þessu 17 ára gamall. Núna er ég fyrirliði og stend mig vonandi vel í því hlutverki.“ Landslið karla í fótbolta EM 2024 í Þýskalandi Mest lesið Hætti við að giftast fótboltastjörnunni af því að allt var skráð á móður hans Fótbolti Nýja Liverpool stjarnan fær sultarlaun Enski boltinn Blikar mæta Loga, Shakhtar og Shamrock Fótbolti Mourinho rekinn frá Fenerbahce Fótbolti Framtíð Maríu hjá Marseille í óvissu eftir uppþotið í æfingaleik Fótbolti Landsliðsþjálfarinn vissi ekkert um útspil Haaland Fótbolti „Negldi Tryggva með hnénu, hoppaði á hann og fór í höndina“ Körfubolti Graslykt truflar keppendur á Opna bandaríska Sport Aron spilar síðasta leikinn: „Held að ég sé ekki búinn að gleyma öllu“ Handbolti Besta sætið: Fannst Craig bregðast of seint við Körfubolti Fleiri fréttir „Stundum hata ég leikmenn mína“ Framtíð Maríu hjá Marseille í óvissu eftir uppþotið í æfingaleik Hákon mætir Frey, Sævari og Eggerti í Evrópudeildinni Sjáðu Breiðablik tryggja sér sæti í Sambandsdeildinni Sandra María fer aftur út í atvinnumennsku Blikar mæta Loga, Shakhtar og Shamrock Smá stress fyrir föðurhlutverkinu Spurs að landa Xavi Simons Mourinho rekinn frá Fenerbahce Mainoo vill fara á láni Nýja Liverpool stjarnan fær sultarlaun Hætti við að giftast fótboltastjörnunni af því að allt var skráð á móður hans Fyrsta skrefið í átt að því að leysa Isak málið Landsliðsþjálfarinn vissi ekkert um útspil Haaland Uppgjör: Virtus-Breiðablik 1-3 | Blikar lönduðu öllum milljónunum Solskjær rekinn eftir tapið í kvöld Chelsea búið að kaupa Garnacho Sendi Albert inn á í hálfleik þegar útlitið var orðið svart Uppgjör Tindastóll-Víkingur 1-5 | Víkingskonur upp um þrjú sæti Uppgjörið: FH - Þróttur 3-0 | FH náði í þrjú mikilvæg stig með sigri gegn Þrótti Sverrir fagnaði á móti Loga Daníel Tristan hélt upp á landsliðssætið með stæl Crystal Palace rétt slapp inn í Sambandsdeildina Elías Rafn hélt aftur hreinu og liðið flaug inn í Evrópudeildina Svona var drátturinn í Meistaradeild Evrópu Segja að þjálfari Hlínar hafi verið rekinn nokkrum dögum fyrir mót Hálfur milljarður og Evrópuleikir fram að jólum í húfi fyrir Blika Messi skaut Inter Miami í úrslitaleikinn Fantasýn: Varar fólk við Richarlison Annað sætið raunhæft markmið í undankeppni HM Sjá meira
Það er uppselt á leik Slóvakíu og Íslands í kvöld sem fer fram Tehelné pole leikvanginum í Bratislava sem tekur um 20 þúsund manns í sæti. Í sumar fór fyrri leikur liðanna á Laugardalsvelli 2-1 fyrir Slóvakíu. Leikur sem íslenska liðið hefði átt að vera búið að klára. Klippa: Jóhann Berg: Það er öll pressan á þeim „Við eigum harma að hefna eftir leikinn heima í sumar á móti þeim,“ segir Jóhann Berg. „Þar hefðum við átt að klára leikinn í fyrri hálfleik og skora fleiri mörk. Þeir koma svo og vinna leikinn sem var gríðarlega svekkjandi. Í kvöld eigum við séns á því að ná í þrjá punkta og það er auðvitað stefnan.“ Íslenska liðið hefur haldið til í Vínarborg frá því í upphafi vikunnar og æft þar af krafti. Liðið kom til Bratislava í gær eftir um klukkustundar ferðalag. „Fínn en stuttur undirbúningur. Þetta eru fáar æfingar sem við höfum náð saman allur hópurinn en við en þetta hafa verið flottar æfingar. Við vitum alveg nákvæmlega hvað við ætlum að gera á morgun. Svo er það bara að fara út á völl á morgun þar sem við munum sýna hvað í okkur býr.“ Jóhann Berg hefur marga fjöruna sopið með íslenska landsliðinu og veit hvernig það er að halda inn í leiki þar sem öll pressan er á þér að ná úrslitum. Þannig stöðu eru Slóvakarnir nú í á heimavelli. Þessir 20 þúsund Slóvakar sem verða á vellinum í kvöld búast við því að EM sætið verði tryggt. „Það er auðvitað gríðarleg pressa á þeim hérna á heimavelli. Það er fullur völlur hérna á morgun og vonandi flott stemning. Við höfum gaman af því að spila á svona útivöllum. Vonandi getum við farið og skemmt partýið eins og sagt er. Við vitum að við eigum alveg séns á því. Það er öll pressan á þeim, þeir ætla að halda partý hérna á morgun og það er undir okkur komið að skemma það.“ Möguleikar íslenska liðsins á því að tryggja sér EM sæti í gegnum undankeppnina eru til staðar en þó litlir nú þegar að tvær umferðir eru eftir. Liðið þarf að vinna báða sína leiki, gegn Slóvakíu og Portúgal, sem og treysta á að Slóvakía tapi fyrir Bosníu & Herzegóvínu í lokaumferðinni. Þá er annar möguleiki í stöðunni ef það mistekst. Væntanlegt umspil í gegnum Þjóðadeild UEFA í mars á næsta ári. Hafið þið enn trú á því að geta tryggt EM sætið í þessari undankeppni? „Það verður mjög erfitt. Við þurfum að vonast til þess að úrslitin detti fyrir okkur. Eina sem við getum gert og haft áhrif á er að fara inn í leikinn gegn Slóvakíu og reyna að sækja þessa þrjá punkta sem í boði eru. Vonandi detta önnur úrslit með okkur og kannski getum við farið til Portúgal og gert eitthvað þar. Við tökum bara leikinn á morgun og reynum að spila vel. Svo kemur í ljós hvað gerist.“ Jóhann Berg mun bera fyrirliðabandið í leik kvöldsins. Það hefur hann gert nokkrum sinnum áður en segir það skipta litlu máli hvort hann sé með bandið eða ekki. Það sé alltaf einstakt að spila fyrir Ísland. „Það er alltaf sérstakt að spila fyrir landsliðið og auðvitað líka mjög gaman þegar að maður ber fyrirliðabandið. Fyrir mér skiptir það svo sem ekki miklu máli. Bara að fá að spila fyrir Íslands hönd er einstakt og hefur verið það frá því að ég byrjaði á þessu 17 ára gamall. Núna er ég fyrirliði og stend mig vonandi vel í því hlutverki.“
Landslið karla í fótbolta EM 2024 í Þýskalandi Mest lesið Hætti við að giftast fótboltastjörnunni af því að allt var skráð á móður hans Fótbolti Nýja Liverpool stjarnan fær sultarlaun Enski boltinn Blikar mæta Loga, Shakhtar og Shamrock Fótbolti Mourinho rekinn frá Fenerbahce Fótbolti Framtíð Maríu hjá Marseille í óvissu eftir uppþotið í æfingaleik Fótbolti Landsliðsþjálfarinn vissi ekkert um útspil Haaland Fótbolti „Negldi Tryggva með hnénu, hoppaði á hann og fór í höndina“ Körfubolti Graslykt truflar keppendur á Opna bandaríska Sport Aron spilar síðasta leikinn: „Held að ég sé ekki búinn að gleyma öllu“ Handbolti Besta sætið: Fannst Craig bregðast of seint við Körfubolti Fleiri fréttir „Stundum hata ég leikmenn mína“ Framtíð Maríu hjá Marseille í óvissu eftir uppþotið í æfingaleik Hákon mætir Frey, Sævari og Eggerti í Evrópudeildinni Sjáðu Breiðablik tryggja sér sæti í Sambandsdeildinni Sandra María fer aftur út í atvinnumennsku Blikar mæta Loga, Shakhtar og Shamrock Smá stress fyrir föðurhlutverkinu Spurs að landa Xavi Simons Mourinho rekinn frá Fenerbahce Mainoo vill fara á láni Nýja Liverpool stjarnan fær sultarlaun Hætti við að giftast fótboltastjörnunni af því að allt var skráð á móður hans Fyrsta skrefið í átt að því að leysa Isak málið Landsliðsþjálfarinn vissi ekkert um útspil Haaland Uppgjör: Virtus-Breiðablik 1-3 | Blikar lönduðu öllum milljónunum Solskjær rekinn eftir tapið í kvöld Chelsea búið að kaupa Garnacho Sendi Albert inn á í hálfleik þegar útlitið var orðið svart Uppgjör Tindastóll-Víkingur 1-5 | Víkingskonur upp um þrjú sæti Uppgjörið: FH - Þróttur 3-0 | FH náði í þrjú mikilvæg stig með sigri gegn Þrótti Sverrir fagnaði á móti Loga Daníel Tristan hélt upp á landsliðssætið með stæl Crystal Palace rétt slapp inn í Sambandsdeildina Elías Rafn hélt aftur hreinu og liðið flaug inn í Evrópudeildina Svona var drátturinn í Meistaradeild Evrópu Segja að þjálfari Hlínar hafi verið rekinn nokkrum dögum fyrir mót Hálfur milljarður og Evrópuleikir fram að jólum í húfi fyrir Blika Messi skaut Inter Miami í úrslitaleikinn Fantasýn: Varar fólk við Richarlison Annað sætið raunhæft markmið í undankeppni HM Sjá meira