Jóhann Berg og Stefán Teitur koma aftur inn í landsliðið

Óskar Ófeigur Jónsson skrifar 8. nóvember 2023 10:42

Jóhann Berg Guðmundsson er búinn að ná sér af meiðslunum sem héldu honum frá síðustu landsleikjum. Vísir/Vilhelm

Åge Hareide, þjálfari karlalandsliðsins í fótbolta, tilkynnti í dag hvaða leikmenn munu taka þátt í síðasta landsliðsverkefni ársins 2023.

Þetta er hópurinn fyrir útileiki Íslands í undankeppni EM 2024. Ísland mætir Slóvakíu þann 16. nóvember næstkomandi í Bratislava og spilar svo við Portúgal í Lissabon þremur dögum síðar.

Hareide gerir tvær breytingar á hópnum frá því í októberglugganum þar sem íslenska liðið gerði 1-1 jafntefli við Lúxemborg og vann 4-0 sigur á Liechtenstein.

Jóhann Berg Guðmundsson kemur inn í hópinn eftir að hafa verið meiddur í síðasta verkefni. Stefán Teitur Þórðarson kemur líka aftur inn í landsliðið en hann skoraði þrennu fyrir Silkeborg stuttu eftir að hann var ekki valinn í síðasta hóp.

Miðjumaðurinn Július Magnússon og framherjinn Andri Lucas Guðjohnsen detta í staðinn út úr hópnum.

Ísland er í fjórða sæti riðilsins með 10 stig þegar tveir leikir eru eftir. Portúgal hefur þegar tryggt sér efsta sæti riðilsins og hefur unnið alla átta leiki sína til þessa. Slóvakía er í öðru sæti riðilsins með 16 stig.

Hópurinn fyrir leikina á móti Slóvakíu og Portúgal:

Rúnar Alex Rúnarsson - Cardiff City - 27 leikir

Hákon Rafn Valdimarsson - IF Elfsborg - 4 leikir

Elías Rafn Ólafsson - C. D. Mafra - 5 leikir

Aron Einar Gunnarsson - Al Arabi - 102 leikir, 5 mörk

Guðmundur Þórarinsson - OFI Crete FC - 12 leikir

Hjörtur Hermannsson - Pisa SC - 26 leikir, 1 mark

Guðlaugur Victor Pálsson - KAS Eupen - 40 leikir, 1 mark

Alfons Sampsted - Twente - 20 leikir

Sverrir Ingi Ingason - FC Midtjylland - 44 leikir, 3 mörk

Kolbeinn Birgir Finnsson - Lyngby Boldklub - 6 leikir

Ísak Bergmann Jóhannesson - Fortuna Düsseldorf - 22 leikir, 3 mörk