Allsvakalegt laxadráp á veiðisvæði Iðu Jakob Bjarnar skrifar 8. nóvember 2023 09:13 Finnur rekur Stóru Laxá. Í ósnum við á hans er Iða og þar drepa menn allt sem þeir koma höndum á, svo sem Katrín Tanja og hennar fólk. Finnur Harðarson, umsjónarmaður Stóru Laxár, á í stökustu vandræðum með veiðimennskuna eins og hún er stunduð á Iðu I og Iðu II. Þar ríkir villta vestrið, að hans sögn. Veiðisvæðið Iða, kennt við samnefndan bæ á vinstri bakka Hvítár, nær frá ármótunum þar sem Stóra- og Litla Laxá sameinast Hvítá og niður að brúnni yfir ána. Þar gengur allur lax um sem leitar upp í Stóru Laxá, og víðar og því á Finnur nokkurra hagsmuna að gæta. Finnur leitaði nýverið til Landsambands veiðifélaga og spurði hvernig aflabrögðum þar væri háttað og svarið sem hann fékk er sláandi, í það minnsta í hugum þeirra sem hafa talað fyrir veiða og sleppa-aðferðinni. Þessar tölur fékk Finnur sendar frá Landsambandi veiðifélaga.skjáskot Það kemur sem sagt á daginn að laxadrápið í Iðu er allsvakalegt. Finnur metur það svo að um sé að ræða 95 prósenta dráp. „Ég hef ekkert á móti því að lax sé drepinn en það verður að gæta meðalhófs,“ segir hann í samtali við Vísi. Að sögn Gunnars Arnar Petersen framkvæmdastjóra Landsambands veiðifélaga er pottur brotinn í uppgefnum tölum. Samkvæmt svari frá Hafró hefur Iða I alltaf skilað veiðiskýrslu en öðru máli gegnir um Iðu II, sem er þrískipt: „Óli Pétur Friðþjófsson sem fer með 1/3 hefur alltaf skilað. Guðmundur Harðarson sem fer með 1/3 hefur oftast skilað en það vantar 2021 tölur frá honum. Systkinin Helgi, Helga og Úlfar, sem fara með 1/3, hafa aldrei skilað né svarað Hafró þegar gengið hefur verið eftir upplýsingum,“ segir í svari Gunnars Arnar til Finns. Hann segir jafnframt að það væri auðvitað hægt að áætla hvað vantar upp á að teknu tilliti til þeirra talna sem fyrir liggja. En auðvitað geti ástundun verið misjöfn. Allt drepið í Iðu Finnur segist ekki vita með fullri vissu hvernig eignarhaldi á Iðu er háttað, þetta séu 20 til 30 fjölskyldur sem eigi þetta, sem erfist og deilist í allar áttir. „Þarna voru allskonar eigendur í gamla daga með netarétt. En því var svo breytt í stangveiði og þeir eru með þrjár stangir á veiðistað sem er innan við kílómetra á lengd. Þetta eru svona fimm hundruð metrar. Til samanburðar er Stóra Laxá um 100 kílómetra löng, þar af 50 kílómetra fiskgeng,“ segir Finnur. „Og þarna er allt drepið.“ Það sem varð til þess að Finnur fór að skoða þetta nánar var að honum gramdist fréttaflutningur Moggans og Eggerts Skúlasonar af nýlegri veiðiferð crossfit-drottningarinnar Katrínar Tönju Davíðsdóttur sem landaði draumalaxinum í Hvítá við Iðu með sínum uppáhalds veiðifélaga, afa sínum Helga Ágústssyni fyrrverandi sendiherra. „Svo er þessu hampað í fjölmiðlum!“ Finnur hefur árum saman kallað eftir reglum en veiðiréttahafar hafa skellt skollaeyrum við því. Að endingu voru þó samþykktar samræmdar reglur, þær að fiskum yfir 70 sentímetrum yrði sleppt. „En þeir fara ekki einu sinni eftir eigin reglum,“ segir Finnur og bendir á tölurnar frá Landsambandinu, þeirra eigin tölum, því til staðfestingar. „Það er allt drepið. Menn eru með tvöfaldan spún, og maðk og Guð einn veit hvað ekki.“ Grátbrosleg barátta gegn veiðiböðulsskap Finnur segir baráttu sína fyrir aukinni fiskgengd grátbroslega. Þetta sé jú ósinn upp í Stóru Laxá. Menn hafa til að mynda verið að kaupa upp net í stórum stíl. „Neðar í kerfinu, í Hvítá. Við höfum verið að kaupa þetta upp og náð 60 prósentum. En það hefur verið erfitt. Beint fyrir neðan Iðu er svo bær sem heitir Fell. Bóndinn þar hefur alltaf verið með net, drepið hundrað laxa á ári. Eftir því sem við keyptum fleiri net þá var bara bingó hjá honum; kom miklu meira í netin. Og nú vill sá bóndi miklu meiri pening, af því að veiðin er betri hjá honum en nokkru sinni. Þetta er eins og að fá kynsjúkdóm, þú losnar ekkert við hann,“ segir Finnur öldungis steinhlessa á þeim hindrunum sem í vegi standa. Þannig er til að mynda með Iðu að um 1980 var hægt að tala um svonefndan Iðulax. Hins vegar kom hlaup í Hagavatn og skelfing greip um sig á öllu vatnasvæðinu, að sögn Finns. Nú er ekkert þar nema leir, sandur og drulla. Laxinn hrygnir ekki þar lengur, en hann þarf malarbotn til þess. „Laxinn hrygnir út um allt hjá mér en ekki þarna. Þar sem er bara fólk að veiða fisk sem það varla á?!“ segir Finnur. Hann vonast til að einhverjar samræmdar leikreglur verði settar og það fyrr en seinna. Lax Stangveiði Ölfus Mest lesið Stærsti óttinn varð að veruleika á þriðja degi af 90 Innlent Rétt náði að stilla hjálminn sem bjargaði lífi dótturinnar Innlent Ökumaður dráttarvélarinnar fluttur með þyrlu Innlent „Af hverju sit ég einn af öllum þessum mönnum fyrir framan dómara?“ Innlent Segir Ísraelsher hafa myrt leiðtoga Hamas Erlent Fjögurra ára martröð Karlottu lauk með sýknudómi Innlent Oscar fluttur úr landi á þriðjudag Innlent Tuttugu ára fangelsisvist fyrir kynferðisbrot gegn 299 börnum Erlent Átta nemendur með ágætiseinkunn Innlent Margt til fyrirmyndar á Íslandi en gerir athugasemd við einangrunarvistun ódæmdra fanga Innlent Fleiri fréttir Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Sjá meira
Veiðisvæðið Iða, kennt við samnefndan bæ á vinstri bakka Hvítár, nær frá ármótunum þar sem Stóra- og Litla Laxá sameinast Hvítá og niður að brúnni yfir ána. Þar gengur allur lax um sem leitar upp í Stóru Laxá, og víðar og því á Finnur nokkurra hagsmuna að gæta. Finnur leitaði nýverið til Landsambands veiðifélaga og spurði hvernig aflabrögðum þar væri háttað og svarið sem hann fékk er sláandi, í það minnsta í hugum þeirra sem hafa talað fyrir veiða og sleppa-aðferðinni. Þessar tölur fékk Finnur sendar frá Landsambandi veiðifélaga.skjáskot Það kemur sem sagt á daginn að laxadrápið í Iðu er allsvakalegt. Finnur metur það svo að um sé að ræða 95 prósenta dráp. „Ég hef ekkert á móti því að lax sé drepinn en það verður að gæta meðalhófs,“ segir hann í samtali við Vísi. Að sögn Gunnars Arnar Petersen framkvæmdastjóra Landsambands veiðifélaga er pottur brotinn í uppgefnum tölum. Samkvæmt svari frá Hafró hefur Iða I alltaf skilað veiðiskýrslu en öðru máli gegnir um Iðu II, sem er þrískipt: „Óli Pétur Friðþjófsson sem fer með 1/3 hefur alltaf skilað. Guðmundur Harðarson sem fer með 1/3 hefur oftast skilað en það vantar 2021 tölur frá honum. Systkinin Helgi, Helga og Úlfar, sem fara með 1/3, hafa aldrei skilað né svarað Hafró þegar gengið hefur verið eftir upplýsingum,“ segir í svari Gunnars Arnar til Finns. Hann segir jafnframt að það væri auðvitað hægt að áætla hvað vantar upp á að teknu tilliti til þeirra talna sem fyrir liggja. En auðvitað geti ástundun verið misjöfn. Allt drepið í Iðu Finnur segist ekki vita með fullri vissu hvernig eignarhaldi á Iðu er háttað, þetta séu 20 til 30 fjölskyldur sem eigi þetta, sem erfist og deilist í allar áttir. „Þarna voru allskonar eigendur í gamla daga með netarétt. En því var svo breytt í stangveiði og þeir eru með þrjár stangir á veiðistað sem er innan við kílómetra á lengd. Þetta eru svona fimm hundruð metrar. Til samanburðar er Stóra Laxá um 100 kílómetra löng, þar af 50 kílómetra fiskgeng,“ segir Finnur. „Og þarna er allt drepið.“ Það sem varð til þess að Finnur fór að skoða þetta nánar var að honum gramdist fréttaflutningur Moggans og Eggerts Skúlasonar af nýlegri veiðiferð crossfit-drottningarinnar Katrínar Tönju Davíðsdóttur sem landaði draumalaxinum í Hvítá við Iðu með sínum uppáhalds veiðifélaga, afa sínum Helga Ágústssyni fyrrverandi sendiherra. „Svo er þessu hampað í fjölmiðlum!“ Finnur hefur árum saman kallað eftir reglum en veiðiréttahafar hafa skellt skollaeyrum við því. Að endingu voru þó samþykktar samræmdar reglur, þær að fiskum yfir 70 sentímetrum yrði sleppt. „En þeir fara ekki einu sinni eftir eigin reglum,“ segir Finnur og bendir á tölurnar frá Landsambandinu, þeirra eigin tölum, því til staðfestingar. „Það er allt drepið. Menn eru með tvöfaldan spún, og maðk og Guð einn veit hvað ekki.“ Grátbrosleg barátta gegn veiðiböðulsskap Finnur segir baráttu sína fyrir aukinni fiskgengd grátbroslega. Þetta sé jú ósinn upp í Stóru Laxá. Menn hafa til að mynda verið að kaupa upp net í stórum stíl. „Neðar í kerfinu, í Hvítá. Við höfum verið að kaupa þetta upp og náð 60 prósentum. En það hefur verið erfitt. Beint fyrir neðan Iðu er svo bær sem heitir Fell. Bóndinn þar hefur alltaf verið með net, drepið hundrað laxa á ári. Eftir því sem við keyptum fleiri net þá var bara bingó hjá honum; kom miklu meira í netin. Og nú vill sá bóndi miklu meiri pening, af því að veiðin er betri hjá honum en nokkru sinni. Þetta er eins og að fá kynsjúkdóm, þú losnar ekkert við hann,“ segir Finnur öldungis steinhlessa á þeim hindrunum sem í vegi standa. Þannig er til að mynda með Iðu að um 1980 var hægt að tala um svonefndan Iðulax. Hins vegar kom hlaup í Hagavatn og skelfing greip um sig á öllu vatnasvæðinu, að sögn Finns. Nú er ekkert þar nema leir, sandur og drulla. Laxinn hrygnir ekki þar lengur, en hann þarf malarbotn til þess. „Laxinn hrygnir út um allt hjá mér en ekki þarna. Þar sem er bara fólk að veiða fisk sem það varla á?!“ segir Finnur. Hann vonast til að einhverjar samræmdar leikreglur verði settar og það fyrr en seinna.
Lax Stangveiði Ölfus Mest lesið Stærsti óttinn varð að veruleika á þriðja degi af 90 Innlent Rétt náði að stilla hjálminn sem bjargaði lífi dótturinnar Innlent Ökumaður dráttarvélarinnar fluttur með þyrlu Innlent „Af hverju sit ég einn af öllum þessum mönnum fyrir framan dómara?“ Innlent Segir Ísraelsher hafa myrt leiðtoga Hamas Erlent Fjögurra ára martröð Karlottu lauk með sýknudómi Innlent Oscar fluttur úr landi á þriðjudag Innlent Tuttugu ára fangelsisvist fyrir kynferðisbrot gegn 299 börnum Erlent Átta nemendur með ágætiseinkunn Innlent Margt til fyrirmyndar á Íslandi en gerir athugasemd við einangrunarvistun ódæmdra fanga Innlent Fleiri fréttir Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Ökumaður dráttarvélarinnar fluttur með þyrlu Viðja bar sex lömbum takk fyrir „Af hverju sit ég einn af öllum þessum mönnum fyrir framan dómara?“ Dúxinn greip í saxófóninn Fjögurra ára martröð Karlottu lauk með sýknudómi Bein útsending: Uggandi yfir breytingum á Heiðmörk Úrslit hjá sósíalistum nær nákvæmlega eftir leiðbeiningum Dró vélarvana fiskibát að landi nærri Grindavík Bein útsending: Norðurslóðir í breyttum heimi Verzlingar settu upp húfur og skelltu sér til Krítar Óttast að stefna Trump-stjórnarinnar fæli námsmenn frá Bandaríkjunum Ísland verði að hafa skoðun á vörnum NATO við landið Fasteignamatið hækkar og áhyggjufullir námsmenn Staðfesta byggingaráform á Fannborgar- og Traðarreit Fólk flytur á landsbyggðina fyrir ódýrara húsnæði og rólegra umhverfi Kanna hvort ástæða sé til að endurvekja kjörstað í Fljótum Vill fá úr skorið hvort „annarlegar hvatir“ liggi að baki sniðgöngunni „Vestfirska efnahagsævintýrið“ í hættu verði veiðigjöldin hækkuð „Allsvakalega vímaður og ölvaður“ kallaði lögreglumenn „fagga og tíkur“ Sparnaðurinn bitni á fjölskyldum Málið alvarlegra en stjórnmálamenn gera sér grein fyrir Sjá meira