Stutt í 3.000 laxa í Eystri Rangá

Laxinn er vel dreifður og sem dæmi um hvað hann er fljótur upp ánna þá veiddust átta bjartir bjartir laxar í gær á svæði 8. Þó nokkuð er af laxi á svæðum 4, 5, 6, 8 og 9. Einnig veiddust þrír laxar á svæði 1. Eystri Rangá stendur í 2.689 veiddum laxi og það er mjög líklegt að hún ná 3.000 löxum ef veiðin heldur áfram eins og hún hefur verið en algeng dagsveiði hefur verið um 20-30 laxar og stundum meira þegar vanir veiðimenn sem þekkja ánna vel eru við veiðar.

Nú er veitt á flugu maðk og spún í Eystri og verður þannig út veiðitímann sem klárast í lok október. Töluvert hefur verið að sjást af vænum hausthængum í ánni og klárlega tækifæri til að reyna ná þeim en þetta er besti tíminn til þess.