Peaty og Luke Greenbank lenti saman í æfingabúðum enska sundlandsliðsins á föstudaginn.
Greenbank er í sambandi með sundkonunni Önnu Hopkin, fyrrverandi kærustu Peatys. Hann ákvað að stríða Greenbank aðeins vegna Hopkin og sló hann svo í rassinn. Greenbank var ekki sáttur og sló Peaty í andlitið. Sauma þurfti nokkur spor í andlit hans. Peaty og Greenbank var í kjölfarið gert að sættast og takast í hendur.
Peaty er einn sigursælasti sundmaður sögunnar. Hann hefur unnið þrenn gullverðlaun á Ólympíuleikum og er áttfaldur heimsmeistari. Þeir Greenbank unnu saman til silfurverðlauna með boðsundssveit Breta á Ólympíuleikunum í Tókýó 2021.
Peaty er núna í sambandi með Holly Ramsay, dóttur kokksins og Íslandsvinarins Gordons Ramsay.
