Björgvin gefst ekki upp en stelpurnar verða að gera betur

Bakmeiðsli öftruðu því að Björgvin næði árangri í lyftingunum í gærkvöldi en hann kom sterkari til leiks í fyrstu greininni í dag.

Björgvin var með tíunda besta árangurinn og fór upp um eitt sæti. Hann er því í sjöunda sætinu núna en það er langt í verðlaunasæti.

Vendingar urðu á toppnum þar sem Kanadamaðurinn Jeffrey Adler er kominn á toppinn og er með tveggja stiga forskot á Bandaríkjamanninn Roman Khrennikov. Stefnir í rosalega baráttu þar.

Katrín Tanja Davíðsdóttir varð níunda í fyrstu grein dagsins en Annie Mist Þórisdóttir tólfta. Annie þar af leiðandi í sjöunda sæti en Katrín Tanja því tíunda. Þær þurfa frábærar lokagreinar til að komast ofar.