Fótbolti

Senjoríturnar dönsuðu sig inn í átta liða úrslitin

Henry Birgir Gunnarsson skrifar
Hermoso fagnar marki sínu í nótt.
Hermoso fagnar marki sínu í nótt. vísir/getty

Það var lítil spenna í leik Spánar og Sviss á HM kvenna í nótt. Sviss átti aldrei möguleika og varð að sætta sig við 5-1 tap.

Spænsku stúlkurnar mættu gríðarlega grimmar til leiks og settu tóninn strax á 5. mínútu er Aitana Bonmati kom þeim fyrir.

Laia Codina varð fyrir því óláni að skora sjálfsmark sex mínútum síðar og staðan því orðin 1-1.

Það slys sló spænska liðið alls ekki út af laginu því það skoraði þrjú mörk í viðbót fyrir hlé. Alba Redondo skoraði fyrst og svo bætti Bonmati sínu öðru marki við. Laia Codina bætti svo fyrir sjálfsmarkið með því að skora í rétt mark á lokamínútu fyrri hálfleiks.

4-1 í hálfleik og Jenni Hermoso fullkomnaði frábæran leik spænska liðsins með eina marki síðari hálfleiks.

Spænska liðið því fyrst allra í átta liða úrslit mótsins.

HM 2023 í Ástralíu og Nýja-Sjálandi Spánn Sviss

Mest lesið


Fleiri fréttir

Sjá meira


×

Mest lesið