Fótbolti

Bellingham skoraði þegar Real Madrid vann United

Ingvi Þór Sæmundsson skrifar
Jude Bellingham fagnar eftir að hafa komið Real Madrid yfir gegn Manchester United.
Jude Bellingham fagnar eftir að hafa komið Real Madrid yfir gegn Manchester United. getty/Antonio Villalba

Jude Bellingham skoraði sitt fyrsta mark fyrir Real Madrid þegar liðið sigraði Manchester United í æfingaleik í Houston, Texas í nótt. Lokatölur 2-0, Real Madrid í vil.

Bellingham var keyptur dýrum dómum frá Borussia Dortmund í sumar en strax byrjaður að borga til baka.

Hann var í fyrsta sinn í byrjunarliði Real Madrid í nótt og strax á 6. mínútu vippaði hann boltanum skemmtilega yfir André Onana sem spilaði sinn fyrsta leik fyrir United í nótt.

Þegar tvær mínútur lifðu leiks skoraði varamaðurinn Joselu svo annað mark Real Madrid og gulltryggði sigur spænsku bikarmeistaranna.

Real Madrid gerði Bellingham að dýrasta enska leikmanninum þegar félagið greiddi Dortmund 115 milljónir punda fyrir hann í sumar.

Spænski boltinn

Mest lesið


Fleiri fréttir

Sjá meira


×

Mest lesið