Alexander dregur fram skóna og spilar fyrir Valsmenn

Valsmenn tilkynntu nú síðdegis að Alexander hefði skrifað undir eins árs samning við félagið.

Alexander er orðinn 43 ára gamall en hann lagði skóna á hilluna fyrir ári síðan eftir glæstan feril.

Hann spilaði um 200 landsleiki fyrir Ísland og var í silfurliðinu á ÓL í Peking árið 2008 og einnig í liðinu sem vann bronsverðlaun á EM 2010.

Þessi magnaði leikmaður hóf feril sinn hér á Íslandi með liði Gróttu/KR en átti svo afar farsælan atvinnumannaferil þar sem hann lék með stórliðum á borð við Flensburg, Füchse Berlin og Rhein-Neckar Löwen.

Í tilkynningu Valsmanna segir að Alexander vilji enda feril sinn á Íslandi og verður afar áhugavert að sjá hvað hann gerir í Olís-deildinni í vetur.