Það var líflegt á flestum veiðistöðum frá miðri á og niður í Bátsvað en sá veiðistaður er einn sá allra öflugasti í ánni frá fyrsta degi og til hins síðasta sem veiði er í gangi. Aðrir staðir eins og Hrafnaklettar, Strandasíki, Drápubakki og Skollatangi sem er á svæði sjö gefa oft og iðulega lax á fyrstu dögunum. Þetta er vonandi sýnishorn af því sem koma skal en almennt er ekki annað að heyra frá báðum opnunum í Eystri og Ytri Rangá að það sé meira líf en oft í byrjun, laxinn vænn og vel haldin. Nú er bara beðið eftir smálaxagöngunum og þá má ballið byrja.
Níu laxar á fyrsta degi í Eystri Rangá
Veiði hófst í Eystri Rangá í gær og það er mál milli veiðimanna að það sé nokkuð síðan svona mikið líf hefur verið í ánni við opnun.
