Valskonur ætla að verða fyrstar frá Íslandi til að komast í Evrópudeildina

Samkvæmt tilkynningu frá HSÍ skráði Valur sig til leiks í Evrópudeildina en bikar- og deildarmeistarar ÍBV í Evrópubikarkeppnina. Stjarnan og Fram ákváðu að skrá sig ekki til leiks í Evrópubikarkeppnina.

Evrópudeildin er næststerkasta Evrópukeppnin á eftir Meistaradeildinni. Þangað hefur íslenskt lið aldrei komist. Enn liggur ekki fyrir hversu marga leiki Valskonur þurfa að spila í forkeppni Evrópudeildarinnar eða hvort þær þurfi að spila þar yfir höfuð. Það ræðst á fjölda liða sem skráir sig til leiks.

Ljóst er að Valskonur eru stórhuga en eftir að tímabilinu lauk sömdu þeir við Lovísu Thompson og markvörðinn Hafdísi Renötudóttur.

Karlalið Vals komst í sextán liða úrslit Evrópudeildarinnar á síðasta tímabili.