Grillaðar kótilettur með guðdómlegri sultu

Aníta Guðlaug Axelsdóttir skrifar 17. maí 2023 09:00

Ívar Örn Hansen sáttur eftir vel heppnaðar kótilettur.

Ívar Örn Hansen er Helvítis kokkurinn sem ætlar að kenna ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og munu þeir koma inn vikulega. Í þetta skiptið er það gamli skólinn á nýja mátann, hér eru kótilettur með brennivíns-beikon sultu, kartöflum og gulrótum í hvítlaukssmjöri.

Klippa: Helvítis kokkurinn - Grillaðar kótilettur með brennivíns-beikon sultu

Grillaðar kótilettur með brennivíns-beikon sultu

Uppskrift fyrir 4 - 6

2 kg lambakótelettur frá Kjarnafæði
2 msk olífuolía
Salt
Pipar
1 msk kúmen úr Viðey
Ferskt rósmarín
800 gr kartöflusmælki
3 gulrætur
2 msk hvítlaukssmjör
100 gr spínat

Brennivíns-beikon sulta:

200 ml brennivín Christmas Special - Sherry Cask ´18
2 hvítir laukar
10 sneiðar beikon
3 msk Worchestershire
1 msk balsamik
2 msk soja sósa
1 msk sriracha sósa
1 msk chilli mauk
1 msk sósulitur
1 msk Dijon sinnep
300 gr púðursykur
500 ml nautasoð
Svartur pipar

Aðferð:

Sjóðið kartöflur og gulrætur í saltvatni í 20 mínútur og kælið.
Saxið beikon í smáa bita og steikið á pönnu í um 10 mínútur eða þangað til að það er farið að taka lit. Saxið lauk og hvítlauk og setjið saman við á pönnuna. Kryddið með svörtum pipar og setjið restina af hráefnum út á pönnu og sjóðið i 40-50 mínútur á miðlungshita.
Makið olíu á kótelettur og steikið á pönnu í um 7-8 mínútur. Kryddið með salti, pipar og kúmeni. Hvílið í 5 mínútur.
Steikið kartöflur, gulrætur og spínat upp úr hvítlaukssmjörinu og munið að nota salt og pipar.

Njótið!

Ívar Örn Hansen er Helvítis kokkurinn sem kennir ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og koma þeir inn vikulega.

Hægt er að sjá alla þættina hér á Vísi.

Uppskriftir Helvítis kokkurinn Sultur Grillréttir

Tengdar fréttir

Miss Piggy á sveppum

Ívar Örn Hansen er Helvítis kokkurinn sem ætlar að kenna ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og munu þeir koma inn vikulega. Í þetta skiptið er það stútfyllt svínalund með sveppakremi og sætkartöflu- og döðlusalati sem snertir alla bragðlaukana.

10. maí 2023 07:01