Andri Snær hættur með KA/Þór

Í tilkynnningu frá KA/Þór segir að Andri hafi sjálfur tekið ákvörðun um að hætta og ekki er ljóst hver kemur til með að taka við liðinu.

KA/Þór vann alla titla sem hægt var að vinna á fyrsta tímabili sínu undir stjórn Andra, veturinn 2020-21. Hann var þá að stíga sín fyrstu skref sem aðalþjálfari í efstu deild eftir að hafa sjálfur spilað með KA. 

Veturinn 2021-22 endaði KA/Þór í 3. sæti Olís-deildarinnar, aðeins tveimur stigum frá toppsætinu, og fór í undanúrslit úrslitakeppninnar og bikarkeppninnar. 

KA/Þór missti hins vegar marga lykilmenn eftir það tímabil og endaði í 6. sæti Olís-deildarinnar í vor, og féll svo úr leik gegn Stjörnunni í úrslitakeppninni eftir oddaleik.