Í­búar á suð­vestur­horninu vakna upp við hvíta jörð

Snjóruðningstæki hafa þannig verið ræst út í höfuðborginni og víðar.

Á vef Veðurstofunnar segir að smálægðin hafi ollið þessari snjókomu, en hún heldur sig skammt suðvestur af Reykjanesi í dag og í nótt en svo hverfur hún seint á morgun.

„Í dag verður norðaustlæg eða breytileg átt 3-10 m/s en norðaustan 8-13 við Breiðafjörð og á Vestfjörðum. Snjókoma og slydda sunnan- og suðvestantil, dálítil él á Norðausturlandi en yfirleitt bjart í öðrum landshlutum. Hiti í kringum frostmark en rétt yfir frostmarki við Suður- og Suðvesturströndina.

Norðlæg átt 5-13 á morgun, hvassast suðaustan- og norðvestantil. Dregur úr úrkomu suðvestantil í fyrramálið, léttir til síðdegis en bætir í él norðaustanlands. Hiti 1 til 6 stig yfir daginn, svalast fyrir norðan.

Það er útlit fyrir norðlæga átt um helgina, 8-15 m/s fyrir austan og vestast á landinu en annars mun hægari. Bjart að mestu en skýjað og úrkomulítið sunnantil á sunnudag. Hiti breytist lítið,“ segir í hugleiðingum veðurfræðings.

Veðurhorfur á landinu næstu daga

Á föstudag: Norðlæg átt 3-10 m/s og dálítil rigning eða snjókoma suðvestantil, annars skýjað og lengst af þurrt. Yfirleitt vægt frost en hiti að 5 stigum yfir daginn sunnanlands.

Á laugardag og sunnudag: Norðlæg átt 5-10 en norðvestan 10-15 norðaustanlands. Víða bjart veður, en skýjað og dálítil væta öðru hverju sunnanlands. Hiti breytist lítið.

Á mánudag: Breytileg átt 3-10. Skýjað og dálítil él norðanlands, hiti um eða undir frostmarki. Skýjað með köflum og þurrt, en fer að rigna suðvestantil um kvöldið. Hiti 0 til 5 stig yfir daginn.

Á þriðjudag: Suðaustanátt og víða rigning, en úrkomulítið norðaustantil. Hiti 2 til 7 stig.

Á miðvikudag: Útlit fyrir breytilega átt. Dálítil rigning eða súld í flestum landshlutum en úrkomumeira suðaustantil. Hiti 5 til 12 stig.