Frábær veiði við opnun á Litluá

Karl Lúðvíksson skrifar 4. apríl 2023 07:31

Vænn urriði á færinu við opnun Litluár Mynd: LItlaá FB

Litlaá í Kelduhverfi fer stundum undir radar hjá veiðimönnum en þetta er engu að síður sú veiðiá sem á oft glæsilegustu opnanirnar á vorin.

Það var víst ekkert annað uppá teningnum þetta árið en við afskaplega góðar aðstæður var veiðin í ánni fantagóð á fyrsta degi enda áin þeim kosti gædd að hún verður ekki þakin ís og klaka. Í hana rennur hlýrra vatn og aðstæður fyrir fiskinn þess vegna ákjósanlegar.

Samkvæmt okkar heimildum þá veiddust 78 fiskar á fyrsta degi. Langmest var það staðbundinn urriði en síðan komu líka nokkrir sjóbirtingar og bleikjur á land. Flestir fiskarnir sem veiddust voru um 60 sm að lengd en annars voru stærðirnar frá 45 sm upp í 81 sm.

Stangveiði