Skýrsla Vals: Kennarinn stóðst grunnskólapróf Valur Páll Eiríksson skrifar 26. mars 2023 21:30 Arnar Þór Viðarsson stýrði Íslandi til sigurs í þriðja sinn í keppnisleik í dag. Allir þrír hafa verið gegn Liechtenstein. EPA-EFE/Robert Ghement Ísland setti met yfir stærð sigurs í keppnisleik í Liechtenstein í dag. En andstæðingurinn var einkar slakur. Ísland hafði töluverðu að tapa en ekki að eins miklu að vinna þegar liðið sótti Liechtenstein heim til Vaduz í dag. Hatrömm umræða skapaðist eftir 0-3 tap liðsins fyrir Bosníu á fimmtudaginn var og víða var kallað eftir nýjum landsliðsþjálfara. Liechtenstein er ekki með gott fótboltalið. Það tapaði 6-0 fyrir Grænhöfðaeyjum í fyrra og raunar öllum leikjum sem liðið spilaði á síðasta ári. Síðast vann það leik árið 2020. Fáir efuðust líklega um að Ísland myndi vinna leikinn en eftir frammistöðu fimmtudagsins var misstig samt ekkert óhugsandi. Fyrst Kasakar gátu unnið Dani í dag er margt hægt. En strákarnir skiluðu sínu og náðu í fyrstu stigin í pokann góða. Aron Einar kom með mikið að borðinu og allt annað líf þegar hann er með. Forystuhlutverk hans aftast á vellinum er afar mikilvægt og svo skemmdi ekki fyrir að hann fjölgaði landsliðsmörkum sínum úr tveimur í fimm í Vaduz nú síðdegis. Maður tók eftir því hvað allt varð hljóðlátara á vellinum eftir að hann fór út af; hann talar stanslaust meðan hann er inni á. Jón Dagur var frábær í leiknum – stoðsendingaþrenna landsliðsmanns sést ekki á hverjum degi. Guðlaugur Victor var virkilega góður með Aron sér við hlið, enda þurfti hann ekki að eyða allri sinni orku í að reyna að stýra tveimur miðvörðum úr bakverðinum líkt og á fimmtudag. Stefán Teitur fannst mér smá óstyrkur í byrjun en vann svo mjög vel á. Átti fantaleik. Hákon Arnar skoraði þá tvö geggjuð mörk og hefði átt að skora það þriðja, eitt auðvitað dæmt af út af smotteríi. En maður er afar spenntur fyrir hans framtíð þarna á miðjunni. Í dag vannst stærsti sigur í sögu Íslands í keppnisleik karlalandsliðs. Svo strákarnir fengu tíu á þessu prófi. Liechtenstein er samt svo ótrúlega lélegt fótboltalið að það er erfitt að taka fullt mark á þessu. Þetta er svolítið eins og að framhaldsskólakennari fái tíu í einkunn á grunnskólaprófi. Það er erfitt að meta stöðuna á íslenska liðinu þar sem Bosníuleikurinn var svo slakur. Það hefði þurft sterkara lið en Liechtenstein til að geta lagt trúverðugt mat á stöðuna. Þessi leikur gefur góðan anda og sjálfstraust í hópinn en hann skiptir þannig séð ekki miklu máli í stóra samhenginu. Þetta eru þrjú stig gegn liði sem allir aðrir í riðlinum munu einnig fá. Það sýnir sig í viðtali við Guðlaug Victor Pálsson eftir leik þar sem pirringur yfir „barnalegri frammistöðu“ í Bosníu-leiknum virtist honum ofar í huga en gleði yfir úrslitum dagsins. Því standa því miður enn eftir efasemdir um vegferðina sem liðið er á og hvert framhaldið á að vera. Arnar Þór vann í kvöld sinn þriðja keppnisleik með Íslandi en allir þrír hafa komið gegn Liechtenstein. Hjá heimamönnum var gerð tvöföld skipting snemma í síðari hálfleik þar sem leikmennirnir tveir sem komu inn á voru annars vegar leikmaður 5. deildarliðs í Sviss og hinn leikmaður varaliðs Vaduz. Það er staðallinn sem íslenska landsliðið var mælt við í dag. Stjórn KSÍ tekur eflaust stöðuna eftir þetta verkefni en hvað hún er hugsa er erfitt að vita. Ívar Ingimarsson var eini stjórnarmaðurinn sem var með í för í þessu verkefni en hann vildi ekki veita Vísi viðtal í gær. Úrslit kvöldsins í riðlinum hefðu ekki getað verið betri en sigur Slóvaka á Bosníu galopnar þetta allt saman. En það segir kannski sitt að slóvakíska liðið, sem gerði markalaust jafntefli við Lúxemborg á fimmtudag, vinnur svo Bosníu sannfærandi. Slóvakía er einmitt næsta verkefni Íslands heima á Laugardalsvelli á þjóðhátíðardaginn. Það er næsta víst að KSÍ verður áfram með Arnar Þór sem þjálfara liðsins í því verkefni en það er leikur sem verður einfaldlega að vinnast. Þar undirgengst framhaldsskólakennarinn raunverulegt próf. Landslið karla í fótbolta EM 2024 í Þýskalandi Mest lesið „Hún á að leyfa manni að koma sér almennilega inn á völlinn“ Fótbolti Skráði óvart 51 árs gamla konu í landsliðið og nýliðinn mátti ekki spila Fótbolti Hinn eftirsótti Gyökeres dregur sig út úr sænska landsliðinu Fótbolti Völdu þann leikmann í Bestu deildinni sem er líkastur þeim sjálfum Íslenski boltinn Lamine Yamal segir leikinn geta ráðið úrslitum í baráttunni um Gullknöttinn Fótbolti „Þær gerðu vel á móti vindi“ Fótbolti „Rangstaða og hefði ekki staðið með VAR“ Fótbolti Sjónvarpsútsending yfir þjóðsöngnum: „Pínlegt fyrir okkur“ Fótbolti Einkunnir Íslands: Cecilía best en náum ekki að halda hreinu Fótbolti Uppgjörið: Ísland - Frakkland 0-2 | Tíundi leikurinn í röð án sigurs Fótbolti Fleiri fréttir Völdu þann leikmann í Bestu deildinni sem er líkastur þeim sjálfum Skráði óvart 51 árs gamla konu í landsliðið og nýliðinn mátti ekki spila Lamine Yamal segir leikinn geta ráðið úrslitum í baráttunni um Gullknöttinn „Þær gerðu vel á móti vindi“ Hinn eftirsótti Gyökeres dregur sig út úr sænska landsliðinu „Rangstaða og hefði ekki staðið með VAR“ „Hún á að leyfa manni að koma sér almennilega inn á völlinn“ Sjónvarpsútsending yfir þjóðsöngnum: „Pínlegt fyrir okkur“ Einkunnir Íslands: Cecilía best en náum ekki að halda hreinu Norðmenn tryggðu sér annað sætið með sigri í Sviss Sænsku stelpurnar fóru illa með þær dönsku og eru komnar i úrslit Spánverjar héldu toppsætinu og stelpurnar hennar Betu komust í umspilið Sparta heldur Nökkva Þey en missir Kristian Nökkva Ágúst Gylfason snýr aftur í boltann og tekur við Leikni Uppgjörið: Ísland - Frakkland 0-2 | Tíundi leikurinn í röð án sigurs Dagný, Guðný og Agla María koma allar inn í byrjunarliðið „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Inzaghi hættur með Inter og stýrir nýju liði á HM Sara Björk hittir áhorfendur og sendir stelpunum okkar EM kveðju „Ætlum að stríða þeim aftur“ Pétur Rúnar á bekknum hjá Stólunum í 3. deildinni Sancho samdi ekki við Chelsea sem þarf að borga sekt Leikurinn sem gæti leitt stelpurnar að HM í fyrsta sinn Ummæli Davíðs Smára ekki á borði aganefndar Mikil spenna fyrir vígsluleiknum á Laugardalsvelli Sýndu reiði Davíðs skilning en fannst hann fara yfir strikið Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Sjá meira
Ísland hafði töluverðu að tapa en ekki að eins miklu að vinna þegar liðið sótti Liechtenstein heim til Vaduz í dag. Hatrömm umræða skapaðist eftir 0-3 tap liðsins fyrir Bosníu á fimmtudaginn var og víða var kallað eftir nýjum landsliðsþjálfara. Liechtenstein er ekki með gott fótboltalið. Það tapaði 6-0 fyrir Grænhöfðaeyjum í fyrra og raunar öllum leikjum sem liðið spilaði á síðasta ári. Síðast vann það leik árið 2020. Fáir efuðust líklega um að Ísland myndi vinna leikinn en eftir frammistöðu fimmtudagsins var misstig samt ekkert óhugsandi. Fyrst Kasakar gátu unnið Dani í dag er margt hægt. En strákarnir skiluðu sínu og náðu í fyrstu stigin í pokann góða. Aron Einar kom með mikið að borðinu og allt annað líf þegar hann er með. Forystuhlutverk hans aftast á vellinum er afar mikilvægt og svo skemmdi ekki fyrir að hann fjölgaði landsliðsmörkum sínum úr tveimur í fimm í Vaduz nú síðdegis. Maður tók eftir því hvað allt varð hljóðlátara á vellinum eftir að hann fór út af; hann talar stanslaust meðan hann er inni á. Jón Dagur var frábær í leiknum – stoðsendingaþrenna landsliðsmanns sést ekki á hverjum degi. Guðlaugur Victor var virkilega góður með Aron sér við hlið, enda þurfti hann ekki að eyða allri sinni orku í að reyna að stýra tveimur miðvörðum úr bakverðinum líkt og á fimmtudag. Stefán Teitur fannst mér smá óstyrkur í byrjun en vann svo mjög vel á. Átti fantaleik. Hákon Arnar skoraði þá tvö geggjuð mörk og hefði átt að skora það þriðja, eitt auðvitað dæmt af út af smotteríi. En maður er afar spenntur fyrir hans framtíð þarna á miðjunni. Í dag vannst stærsti sigur í sögu Íslands í keppnisleik karlalandsliðs. Svo strákarnir fengu tíu á þessu prófi. Liechtenstein er samt svo ótrúlega lélegt fótboltalið að það er erfitt að taka fullt mark á þessu. Þetta er svolítið eins og að framhaldsskólakennari fái tíu í einkunn á grunnskólaprófi. Það er erfitt að meta stöðuna á íslenska liðinu þar sem Bosníuleikurinn var svo slakur. Það hefði þurft sterkara lið en Liechtenstein til að geta lagt trúverðugt mat á stöðuna. Þessi leikur gefur góðan anda og sjálfstraust í hópinn en hann skiptir þannig séð ekki miklu máli í stóra samhenginu. Þetta eru þrjú stig gegn liði sem allir aðrir í riðlinum munu einnig fá. Það sýnir sig í viðtali við Guðlaug Victor Pálsson eftir leik þar sem pirringur yfir „barnalegri frammistöðu“ í Bosníu-leiknum virtist honum ofar í huga en gleði yfir úrslitum dagsins. Því standa því miður enn eftir efasemdir um vegferðina sem liðið er á og hvert framhaldið á að vera. Arnar Þór vann í kvöld sinn þriðja keppnisleik með Íslandi en allir þrír hafa komið gegn Liechtenstein. Hjá heimamönnum var gerð tvöföld skipting snemma í síðari hálfleik þar sem leikmennirnir tveir sem komu inn á voru annars vegar leikmaður 5. deildarliðs í Sviss og hinn leikmaður varaliðs Vaduz. Það er staðallinn sem íslenska landsliðið var mælt við í dag. Stjórn KSÍ tekur eflaust stöðuna eftir þetta verkefni en hvað hún er hugsa er erfitt að vita. Ívar Ingimarsson var eini stjórnarmaðurinn sem var með í för í þessu verkefni en hann vildi ekki veita Vísi viðtal í gær. Úrslit kvöldsins í riðlinum hefðu ekki getað verið betri en sigur Slóvaka á Bosníu galopnar þetta allt saman. En það segir kannski sitt að slóvakíska liðið, sem gerði markalaust jafntefli við Lúxemborg á fimmtudag, vinnur svo Bosníu sannfærandi. Slóvakía er einmitt næsta verkefni Íslands heima á Laugardalsvelli á þjóðhátíðardaginn. Það er næsta víst að KSÍ verður áfram með Arnar Þór sem þjálfara liðsins í því verkefni en það er leikur sem verður einfaldlega að vinnast. Þar undirgengst framhaldsskólakennarinn raunverulegt próf.
Landslið karla í fótbolta EM 2024 í Þýskalandi Mest lesið „Hún á að leyfa manni að koma sér almennilega inn á völlinn“ Fótbolti Skráði óvart 51 árs gamla konu í landsliðið og nýliðinn mátti ekki spila Fótbolti Hinn eftirsótti Gyökeres dregur sig út úr sænska landsliðinu Fótbolti Völdu þann leikmann í Bestu deildinni sem er líkastur þeim sjálfum Íslenski boltinn Lamine Yamal segir leikinn geta ráðið úrslitum í baráttunni um Gullknöttinn Fótbolti „Þær gerðu vel á móti vindi“ Fótbolti „Rangstaða og hefði ekki staðið með VAR“ Fótbolti Sjónvarpsútsending yfir þjóðsöngnum: „Pínlegt fyrir okkur“ Fótbolti Einkunnir Íslands: Cecilía best en náum ekki að halda hreinu Fótbolti Uppgjörið: Ísland - Frakkland 0-2 | Tíundi leikurinn í röð án sigurs Fótbolti Fleiri fréttir Völdu þann leikmann í Bestu deildinni sem er líkastur þeim sjálfum Skráði óvart 51 árs gamla konu í landsliðið og nýliðinn mátti ekki spila Lamine Yamal segir leikinn geta ráðið úrslitum í baráttunni um Gullknöttinn „Þær gerðu vel á móti vindi“ Hinn eftirsótti Gyökeres dregur sig út úr sænska landsliðinu „Rangstaða og hefði ekki staðið með VAR“ „Hún á að leyfa manni að koma sér almennilega inn á völlinn“ Sjónvarpsútsending yfir þjóðsöngnum: „Pínlegt fyrir okkur“ Einkunnir Íslands: Cecilía best en náum ekki að halda hreinu Norðmenn tryggðu sér annað sætið með sigri í Sviss Sænsku stelpurnar fóru illa með þær dönsku og eru komnar i úrslit Spánverjar héldu toppsætinu og stelpurnar hennar Betu komust í umspilið Sparta heldur Nökkva Þey en missir Kristian Nökkva Ágúst Gylfason snýr aftur í boltann og tekur við Leikni Uppgjörið: Ísland - Frakkland 0-2 | Tíundi leikurinn í röð án sigurs Dagný, Guðný og Agla María koma allar inn í byrjunarliðið „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Inzaghi hættur með Inter og stýrir nýju liði á HM Sara Björk hittir áhorfendur og sendir stelpunum okkar EM kveðju „Ætlum að stríða þeim aftur“ Pétur Rúnar á bekknum hjá Stólunum í 3. deildinni Sancho samdi ekki við Chelsea sem þarf að borga sekt Leikurinn sem gæti leitt stelpurnar að HM í fyrsta sinn Ummæli Davíðs Smára ekki á borði aganefndar Mikil spenna fyrir vígsluleiknum á Laugardalsvelli Sýndu reiði Davíðs skilning en fannst hann fara yfir strikið Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Sjá meira