Sam Smith gaf nýlega út tónlistarmyndband við lagið sem hefur vakið mikla athygli. Hán ögrar kynjatvíhyggjunni og norminu, skartar ýmsum glæsilegum flíkum, sveiflar sér í kristals ljósakrónum og dansar um fáklætt.
Hér má sjá tónlistarmyndbandið:
Leitar að elskhuga
Í textanum syngur Sam Smith um að hán sé ekki að reyna að eignast vini heldur þurfi hán elskhuga. Myndbandið er með um níu milljón áhorf á Youtube og hefur fengið misjafnar viðtökur áhorfenda.
Instagram síðan feminist vakti athygli á því á dögunum að ósanngjörn og illkvittin ummæli hafi farið sem eldur um sinu í tengslum við myndbandið. Feminist skrifaði þá að kynþokki sé ekki einungis fyrir þá sem eru grannir og gagnkynhneigðir.
Tónleikaferðalag og Grammy verðlaun
Það er margt um að vera hjá Sam Smith um þessar mundir en ásamt því að vera á leið í tónleikaferðalag vann hán til Grammy verðlauna á dögunum ásamt söngkonunni Kim Petras í flokknum Best pop duo fyrir lagið Unholy. Þá var Kim Petras einnig fyrsta trans konan til að hljóta verðlaun í þessum flokki.
Miley á toppnum
Miley Cyrus trónir enn á toppi Íslenska listans á FM með lagið Flowers og Rihanna fylgir í öðru sæti með lagið Lift Me Up, sem hún mun að öllum líkindum flytja í hálfleik Superbowl annað kvöld.
Söngvakeppnis þátttakandinn Diljá er svo komin í sextánda sætið með lagið Power sem var kynnt inn sem líklegt til vinsælda í síðustu viku.
Lög Íslenska listans:
Íslenski listinn á Spotify:
