Bein út­sending: Er ekki bara best að vinna hjá ríkinu?

Í tilkynningu frá Félagi atvinnurekenda segir að starfsmönnum hins opinbera hafi fjölgað hratt undanfarin ár og verkefnum ríkis og sveitarfélaga fjölgað. 

„Ríkisvaldið hefur að mörgu leyti gengið á undan í hækkun launa og starfskjara og einkafyrirtæki eiga æ oftar í harðri samkeppni við ríkið um sérhæft starfsfólk. Hvað segja opinberar tölur okkur um þróunina? Er hún jákvæð og sjálfbær? 

Fjallað verður um málið á opnum fundi Félags atvinnurekenda í Háteigi á Grand Hótel Reykjavík 9. febrúar næstkomandi kl. 16. Þar verður kynnt ný skýrsla ráðgjafafyrirtækisins Intellecon um þróunina í fjölda og launakjörum opinberra starfsmanna. Fundurinn er haldinn í beinu framhaldi af aðalfundi FA,“ segir í tilkynningunni.

Hægt er að fylgjast með fundinum í spilara að neðan. 

Dagskrá:

Inngangsorð. Guðrún Ragna Garðarsdóttir, formaður Félags atvinnurekenda

Er ekki bara best að vinna hjá ríkinu? Gunnar Haraldsson, framkvæmdastjóri Intellecon

Verða verðmæti til í skúffum embættismanna? Guðrún Hafsteinsdóttir, formaður efnahags- og viðskiptanefndar Alþingis

Fyrirmyndarríkið Ísland. Bogi Þór Siguroddsson, stjórnarformaður og eigandi Fagkaupa

Vinnumarkaðsmódel á hvolfi. Ólafur Stephensen, framkvæmdastjóri FA

Fundarstjóri er Anna Kristín Kristjánsdóttir, varaformaður FA.