Birkir kom inn af bekknum í sigri

Birkir hóf leik á varamannabekknum þegar liðið heimsótti Sivasspor í fyrsta leik dagsins.

Adana náði tveggja marka forystu á fyrsta klukkutíma leiksins með mörkum Emre Akbaba og Babajide David áður en Isaac Cofie minnkaði muninn fyrir heimamenn á 63.mínútu.

Birki var skipt inná á síðustu mínútu venjulegs leiktíma og hjálpaði liðinu að innbyrða stigin þrjú þar sem leiknum lauk með 1-2 sigri Adana Demirspor.

Birkir og félagar sitja í fjórða sæti deildarinnar, átta stigum á eftir toppliði Galatasaray en Fenerbahce og Besiktas eru í öðru og þriðja sæti deildarinnar og útlit fyrir hatramma baráttu um Evrópusætin dýrmætu.