Krapaflóð féll á Patreksfirði á tíunda tímanum í morgun, nákvæmlega fjörutíu árum og fjórum dögum eftir mannskætt krapaflóð í bænum. Flóðið féll niður sama farveg í Geirseyrargili og flóðið árið 1983.
Enngin hús eða manneskjur urðu fyrir flóðinu en lýst var yfir hættustigi Almannavarna og samhæfingarstöð í Skógarhlíð virkjuð.
Nú er búið að aflýsa hættustiginu og samhæfingarstöðin hefur lokið störfum. Veðurspár gera ráð fyrir því að það dragi úr úrkomu á svæðinu upp úr hádegi.
