Fótbolti

Börsungar í átta liða úrslit eftir stórsigur

Hjörtur Leó Guðjónsson skrifar
Robert Lewandowski skoraði tvö mörk fyrir Barcelona í kvöld.
Robert Lewandowski skoraði tvö mörk fyrir Barcelona í kvöld. Yasser Bakhsh/Getty Images

Barelona er á leið í átta liða úrslit spænsku bikarkeppninnar, Copa del Rey, eftir 5-0 stórsigur er liðið heimsótti C-deildarlið Ceuta í kvöld.

Raphinha koma gestunum í Barcelona í forystu stuttu fyrir hálfleikshléið og staðan var því 1-0 þegar liðin gengu til búningsherbergja.

Robert Lewandowski bætti svo öðru marki liðsins við snemma í síðari hálfleik áður en Ansu Fati breytti stöðunni í 3-0 þegar um tuttugu mínútur voru til leiksloka.

Sjö mínútum síðar bætti Franck Kessie fjórða marki gestanna við, en það var að lokum Robert Lewandowski sem negldi seinasta naglann í kistu Ceuta með marki á seinustu mínútu venjulegs leiktíma.

Spænski boltinn

Mest lesið


Fleiri fréttir

Sjá meira


×

Mest lesið