Handbolti

„Næ vonandi að sýna mitt rétta andlit“

Henry Birgir Gunnarsson skrifar
Það er pressa á Aroni að stíga upp í kvöld.
Það er pressa á Aroni að stíga upp í kvöld. vísir/vilhelm

„Ég er ferskur, góður og spenntur fyrir leiknum,“ segir Aron Pálmarsson landsliðsfyrirliði en hann þarf að leiða sína menn til sigurs í kvöld.

„Þetta er svipað og á síðasta móti gegn Ungverjum er við mættum þeim í lokaleiknum. Allt undir á erfiðum útivelli. Það gerist ekki skemmtilegra.“

Aron segir að andinn í hópnum sé mjög góður og leikmenn klárir í komandi átök.

„Við ætluðum okkur alltaf í átta liða úrslit. Það kom smá babb í bátinn en erum enn með sömu markmið og með sömu tækifæri. Trúin er gríðarleg. Auðvitað trúum við því að við getum unnið þá.“

Klippa: Vélarnar ræstar í kvöld

Fyrirliðinn hefur ekki komist almennilega í gang á mótinu en hann ætlar að stíga upp í kvöld.

„Eigum við ekki að segja að ég ræsi vélarnar í þessum leik. Ég hlakka til að ná vonandi að sýna mitt rétta andlit.“

HM 2023 í handbolta Landslið karla í handbolta

Mest lesið


Fleiri fréttir

Sjá meira


×

Mest lesið