Íslendingar hafa skorað langoftast í tómt mark á þessu HM

Opinber tölfræðiskráning mótsins heldur um slíka tölfræði á þessu móti og þar sjást þessir yfirburðir svart á hvítu.

Íslenska liðið hefur fengið skráð fimmtán mörk í tómt mark á mótinu sem er sex mörkum meira en næsta lið sem er Spánn.

Það þarf því næstum því að helminga markafjölda íslenska liðsins í slíkum mörkum til að fara niður í þriðja sætið þar sem Slóvenía og Svíþjóð eru með sjö mörk hvor.

Elliði Snær Viðarsson hefur farið á kostum í bjúgskotum sínum frá miðlínunni og hann skoraði fjögur slík mörk í gær.

Í raun eru aðeins fimm þjóðir búnar að skora fleiri mörk í tómt mark heldur en Vestmanneyingurinn Elliði Snær.

Hér fyrir neðan má sjá tölfræði yfir mörk í tómt mark til þessa á heimsmeistaramótinu í Svíþjóð og Póllandi.