Fótbolti

Rúnar og félagar úr leik eftir tap gegn toppliðinu

Hjörtur Leó Guðjónsson skrifar
Rúnar Alex Rúnarsson í leik með íslenska landsliðinu.
Rúnar Alex Rúnarsson í leik með íslenska landsliðinu. Juan Manuel Serrano Arce/Getty Images

Rúnar Alex Rúnarsson og félagar hans í Alanyaspor eru úr leik í tyrknesku bikarkeppninni í fótbolta eftir að liðið tapaði 2-1 gegn toppliði tyrknesku úrvalsdeildarinnar Galatasaray í kvöld.

Gestirnir í Galatasaray tóku forystuna strax á 16. mínútu leiksins með marki frá Victor Nelsson áður en Belginn Dries Mertens bætti öðru marki liðsins við stuttu fyrir hálfleiks og staðan því 2-0, Galatasaray í vil, þegar liðin gengu til búningsherbergja.

Heimamenn minnkuðu muninn þegar tæpar 25 mínútur voru til leiksloka, en nær komust þeir ekki og niðurstaðan því 2-1 sigur gestanna.

Galatasaray er því á leið í átta liða úrslit tyrknesku bikarkeppninnar, en Rúnar Alex og félagar sitja eftir með sárt ennið.

Tyrkneski boltinn

Mest lesið


Fleiri fréttir

Sjá meira


×

Mest lesið