Stúlkan í lífs­hættu eftir skot­á­rásina

Rétt fyrir klukkan fimm í dag var skotið á hóp manna sem sótti jarðarför í kirkju á Phoenix Road, nálægt Euston lestarstöðinni. Talið er að árásarmennirnir hafi skotið úr bíl á ferð.

Eins og fyrr segir særðist sjö ára stúlka lífshættulega. Tólf ára stúlka hlaut sár á fæti en hefur verið útskrifuð af spítala.

Yfirvöld segja að þrír til viðbótar hafi verið fluttir á spítala, allt konur, sem eru 48 ára, 54 ára og 41 árs. Meiðsli einnar eru alvarleg en konurnar eru ekki taldar í lífshættu.

Enginn hefur verið handtekinn vegna málsins. Guardian greinir frá.