Spænsku meisturunum mistókst að endurheimta toppsætið

Madrídingar eru eins og svo oft áður í harðri baráttu við Barcelona um spænska meistaratitilinn, og stig í dag hefði komið liðinu í það minnsta tímabundið á toppinn.

Yeremy Pino kom heimamönnum í Villarreal í forystu snemma í síðari hálfleik áður en Karim Benzema jafnaði metin af vítapunktinum eftir klukkutíma leik.

Það var hins vegar Gerard Moreno sem tryggði heimamönnum stigin þrjú með marki af vítapunktinum þremur mínútum síðar og niðurstaðan því 2-1 sigur Villarreal.

Real Madrid situr því enn í öðru sæti deildarinnar með 38 stig, jafn mörg og Barcelona, en Madrídingar hafa leikið einum leik meira. Villarreal situr hins vegar í fimmta sæti með 27 stig.