„Lélegasta tölfræði sem aðstoðarmaður hefur skilað af sér“ Valur Páll Eiríksson skrifar 19. desember 2022 11:31 Óskar Bjarni Óskarsson segir Valsmenn fagna fríinu. Lukkulega virðist þá stutt í að sonur hans snúi aftur á völlinn, þar sem hann var slappur í tölfræðiskráningu á bekknum um helgina. Vísir/Daníel Þór Karlalið Vals í handbolta fagnar fríinu eftir mikið álag síðustu vikur. Meiðsli hafa hrjáð liðið síðustu vikur en liðið er þrátt fyrir það efst í Olís-deildinni, komið áfram í bikarnum og á góðan möguleika á áframhaldi í Evrópudeildinni á nýju ári. Mikið hefur mætt á Völsurum síðustu vikur þar sem þeir hafa að jafnaði spilað tvisvar til þrisvar sinnum í viku vegna þátttöku þeirra í Evrópudeildinni. Þá hafa þeir ferðast til Búdapest, Benidorm og Parísar á milli útileikja á Ísafirði og í Vestmannaeyjum hér heima. Meiðsli hafa gert vart við sig en þeir Magnús Óli Magnússon og Róbert Aron Hostert hafa þjösnast meiddir í gegnum leiki undanfarið. Báðir spiluðu þeir gegn ÍBV í bikarnum um helgina og var Magnús markahæstur þrátt fyrir að glíma við erfið bakmeiðsli. „Hann er með brjósklos,“ segir Óskar Bjarni Óskarsson, aðstoðarþjálfari Vals, sem stýrði liðinu í fjarveru Snorra Steins Guðjónssonar. „Það er búið aðeins að hvíla hann og vinna með hann til að hann gæti allavega hjálpað okkur í einhverjar mínútur hérna. Hann spilaði alltof mikið, það er örugglega mér að kenna,“ „Svo var Aron Dagur kominn með tvisvar tvær mínútur svo hann þurfti að spila meiri vörn. En hálfur Magnús er náttúrulega bara gæðaleikmaður og Róbert Aron hjálpaði okkur líka, en hann mátti ekki spila,“ segir Óskar Bjarni. Slakur í tölfræðinni en þarf ekki að sinna henni lengi Sonur Óskars, Benedikt Gunnar Óskarsson, var þá frá í leiknum vegna meiðsla. Hann var í staðinn föður sínum til aðstoðar á bekknum. Benedikt Gunnar er öflugri innan vallar en í tölfræðinni.Vísir/Diego „Hann var með tölfræðina. En tölfræðin, eins og hann er nú góður leikmaður, þá er þetta lélegasta tölfræði sem aðstoðarmaður hefur skilað af sér,“ segir Óskar kíminn en meiðsli Benedikts eru lukkulega ekki eins alvarleg og útlit var fyrir. „En það eru jákvæðar fréttir. Hann er ekki ristarbrotinn, þetta eru liðböndin í ristinni og það er ekkert eitthvað slitið eða vesen í þeim. Þannig að það lítur út fyrir að þetta séu tvær vikur í staðinn fyrir tólf til sextán“. Langþráð frí Valsmenn fagna því fríinu en líkt og önnur innlend lið spila þeir ekki fyrr en í febrúar vegna komandi heimsmeistaramóts í handbolta, sem hefst snemma á nýju ári. „Strákarnir þurfa frí. Við þurfum að ná að koma þeim í gírinn og það væri rosalega gaman að hafa þá heila, þessa snillinga, í febrúar þegar við förum aftur í pakkann,“ segir Óskar Bjarni. Besta liðið og besti þjálfarinn Valsmenn tryggðu sæti sitt í 8-liða úrslitum bikarkeppninnar með sigrinum á laugardaginn var og eru efstir í Olís-deildinni. Liðið hefur unnið alla titla sem í boði eru síðustu tvö ár og eiga enn góða möguleika á áframhaldi í Evrópudeildinni sem heldur áfram eftir áramót. Þjálfari ársins samkvæmt Óskari Bjarna Óskarssyni.Vísir/Hulda Margrét Óskar segir liðið vera það besta á landinu, burt séð frá íþróttagrein. „Ég held að þegar þeir ert búinn að vinna dálítið af titlum, þá eru þetta orðnir miklir sigurvegarar. Það hefur komið okkur í gegnum ansi mikið. Maður fann það á leikmönnum að þeir ætluðu bara að koma sér í gegnum leikinn,“ „Ég held þeir séu búnir að taka einhverja sjö titla í röð. Að mínu mati er þetta bara lið ársins og Snorri Steinn er þjálfari ársins á Íslandi. Þannig að ég er mjög stoltur af Snorra og strákunum,“ segir Óskar Bjarni. Valur Olís-deild karla Coca-Cola bikarinn Mest lesið Skráði óvart 51 árs gamla konu í landsliðið og nýliðinn mátti ekki spila Fótbolti „Hún á að leyfa manni að koma sér almennilega inn á völlinn“ Fótbolti Khelif beðin afsökunar á kynjaprófstilkynningunni Sport Ísak áreittur af stuðningsmönnum: „Hef aldrei séð svona áður“ Fótbolti Alþjóða skíðasambandið tekur upp gult og rautt spjald Sport Enska landsliðið æfir í upphituðum tjöldum til að undirbúa sig fyrir HM Enski boltinn Hinn eftirsótti Gyökeres dregur sig út úr sænska landsliðinu Fótbolti Völdu þann leikmann í Bestu deildinni sem er líkastur þeim sjálfum Íslenski boltinn Lamine Yamal segir leikinn geta ráðið úrslitum í baráttunni um Gullknöttinn Fótbolti Dagskráin: Undanúrslitaleikur í Þjóðadeild karla Sport Fleiri fréttir Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Sjá meira
Mikið hefur mætt á Völsurum síðustu vikur þar sem þeir hafa að jafnaði spilað tvisvar til þrisvar sinnum í viku vegna þátttöku þeirra í Evrópudeildinni. Þá hafa þeir ferðast til Búdapest, Benidorm og Parísar á milli útileikja á Ísafirði og í Vestmannaeyjum hér heima. Meiðsli hafa gert vart við sig en þeir Magnús Óli Magnússon og Róbert Aron Hostert hafa þjösnast meiddir í gegnum leiki undanfarið. Báðir spiluðu þeir gegn ÍBV í bikarnum um helgina og var Magnús markahæstur þrátt fyrir að glíma við erfið bakmeiðsli. „Hann er með brjósklos,“ segir Óskar Bjarni Óskarsson, aðstoðarþjálfari Vals, sem stýrði liðinu í fjarveru Snorra Steins Guðjónssonar. „Það er búið aðeins að hvíla hann og vinna með hann til að hann gæti allavega hjálpað okkur í einhverjar mínútur hérna. Hann spilaði alltof mikið, það er örugglega mér að kenna,“ „Svo var Aron Dagur kominn með tvisvar tvær mínútur svo hann þurfti að spila meiri vörn. En hálfur Magnús er náttúrulega bara gæðaleikmaður og Róbert Aron hjálpaði okkur líka, en hann mátti ekki spila,“ segir Óskar Bjarni. Slakur í tölfræðinni en þarf ekki að sinna henni lengi Sonur Óskars, Benedikt Gunnar Óskarsson, var þá frá í leiknum vegna meiðsla. Hann var í staðinn föður sínum til aðstoðar á bekknum. Benedikt Gunnar er öflugri innan vallar en í tölfræðinni.Vísir/Diego „Hann var með tölfræðina. En tölfræðin, eins og hann er nú góður leikmaður, þá er þetta lélegasta tölfræði sem aðstoðarmaður hefur skilað af sér,“ segir Óskar kíminn en meiðsli Benedikts eru lukkulega ekki eins alvarleg og útlit var fyrir. „En það eru jákvæðar fréttir. Hann er ekki ristarbrotinn, þetta eru liðböndin í ristinni og það er ekkert eitthvað slitið eða vesen í þeim. Þannig að það lítur út fyrir að þetta séu tvær vikur í staðinn fyrir tólf til sextán“. Langþráð frí Valsmenn fagna því fríinu en líkt og önnur innlend lið spila þeir ekki fyrr en í febrúar vegna komandi heimsmeistaramóts í handbolta, sem hefst snemma á nýju ári. „Strákarnir þurfa frí. Við þurfum að ná að koma þeim í gírinn og það væri rosalega gaman að hafa þá heila, þessa snillinga, í febrúar þegar við förum aftur í pakkann,“ segir Óskar Bjarni. Besta liðið og besti þjálfarinn Valsmenn tryggðu sæti sitt í 8-liða úrslitum bikarkeppninnar með sigrinum á laugardaginn var og eru efstir í Olís-deildinni. Liðið hefur unnið alla titla sem í boði eru síðustu tvö ár og eiga enn góða möguleika á áframhaldi í Evrópudeildinni sem heldur áfram eftir áramót. Þjálfari ársins samkvæmt Óskari Bjarna Óskarssyni.Vísir/Hulda Margrét Óskar segir liðið vera það besta á landinu, burt séð frá íþróttagrein. „Ég held að þegar þeir ert búinn að vinna dálítið af titlum, þá eru þetta orðnir miklir sigurvegarar. Það hefur komið okkur í gegnum ansi mikið. Maður fann það á leikmönnum að þeir ætluðu bara að koma sér í gegnum leikinn,“ „Ég held þeir séu búnir að taka einhverja sjö titla í röð. Að mínu mati er þetta bara lið ársins og Snorri Steinn er þjálfari ársins á Íslandi. Þannig að ég er mjög stoltur af Snorra og strákunum,“ segir Óskar Bjarni.
Valur Olís-deild karla Coca-Cola bikarinn Mest lesið Skráði óvart 51 árs gamla konu í landsliðið og nýliðinn mátti ekki spila Fótbolti „Hún á að leyfa manni að koma sér almennilega inn á völlinn“ Fótbolti Khelif beðin afsökunar á kynjaprófstilkynningunni Sport Ísak áreittur af stuðningsmönnum: „Hef aldrei séð svona áður“ Fótbolti Alþjóða skíðasambandið tekur upp gult og rautt spjald Sport Enska landsliðið æfir í upphituðum tjöldum til að undirbúa sig fyrir HM Enski boltinn Hinn eftirsótti Gyökeres dregur sig út úr sænska landsliðinu Fótbolti Völdu þann leikmann í Bestu deildinni sem er líkastur þeim sjálfum Íslenski boltinn Lamine Yamal segir leikinn geta ráðið úrslitum í baráttunni um Gullknöttinn Fótbolti Dagskráin: Undanúrslitaleikur í Þjóðadeild karla Sport Fleiri fréttir Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Sjá meira