Real Madrid vann kapphlaupið um undrabarnið Endrick

Talið er að kaupverðið sé 62 milljónir punda auk þess sem Madrídingar þurfa að borga rúmlega tíu milljínir til viðbótar í skatta. Samningur Endricks við Real Madrid gildir til 2027 en hægt verður að framlengja hann um þrjú ár til viðbótar.

Þrátt fyrir að vera aðeins sextán ára hefur Endrick leikið sjö leiki fyrir aðallið Palmeiras og skorað þrjú mörk. Hann þykir sannkallað undrabarn og hefur meðal annars verið líkt við landa sinn, Ronaldo.

Endrick gengur í raðir Real Madrid í júlí 2024, þegar hann verður orðinn átján ára.