Umsóknarfrestur vegna úthlutunar SVFR

Stangaveiðifélag Reykjavíkur er með mikið úrval veiðileyfa í bæði lax og silung og sum svæðin eru það vinsæl að það þarf að draga um daga. Félagar SVFR hafa forgang í þá lausu daga sem eru í boði en eftir að úthlutunartíma lýkur fara veiðileyfin í almenna sölu.

Á fimmtudaginn kemur 15. desember, á miðnætti, rennur út umsóknarfrestur vegna úthlutunar 2023. Til að sækja um ferðu á forsíðu svfr.is skráir þig inn með rafrænum skilríkjum en þar eru borðar með hnöppum sem koma þér á umsóknarformið og söluskrána. Skyldir þú ekki lenda beint á forsíðunni við innskráningu er auðvelt að komast þangað með að smella á merki félagsins sem er í efra horninu vinstra megin. Úthlutun fer fram í byrjun janúar.