FIFA bannar Dönum að klæðast æfingafatnaði til stuðnings mannréttindum

Heimsmeistaramótið í Katar hefst eftir tíu daga, en mótið hefur sætt mikilli gagnrýni vegna tíðra mann­rétt­inda­brota rík­is­ins.

Danska knattspyrnusambandið, DBU, sendi því inn beiðni til FIFA þar sem óskað var eftir því að danska landsliðið fengi að klæðast æfingatreyjum með áletruninni „Human Rights For All,“ eða „Mannréttindi fyrir alla.“ Þeirri beiðni hefur hins vegar verið hafnað.

„Við fengum skilaboðin í dag. Við sendum umsókn inn til FIFA, en svarið er neikvætt og við hörmum það. En við verðum að taka tillit til þess,“ sagði Jakob Jen­sen, fram­kvæmda­stjóri DBU.

Danska landsliðið mun því æfa og hita upp án þess að bera pólitísk skilaboð á treyjum sínum þegar liðið mætir til leiks eftir tæpar tvær vikur.