Notar makinn þinn fýlustjórnun í samskiptum?

„Hvernig líður þér? Hvað er eiginlega að? 

.....

Ekkert!“

Fýla, útilokun og samviskubit

Hringir þetta einhverjum bjöllum?

Ætli við höfum ekki flest einhverja reynslu af því sem flokkast undir fýlustjórnun í samskiptum, við foreldra, börn, vini eða maka. 

 Þegar hinn aðilinn notar útlilokunar viðmótið (e. silent treatment) og segir fátt eða ekkert þegar innt er eftir viðbrögðum eða samtali. 

Samviskubitsstjórnun (e. guilt trip) þegar tilgangurinn er að ná valdi yfir líðan, ákvörðunum eða hegðun annarra með því að koma inn samviskubiti.

Samskiptamynstur eða andlegt ofbeldi? 

Allt mætti flokka þetta undir hatt einhverskonar stjórnunar en í verstu tilvikunum þar sem þessi samskiptatól eru oft og meðvitað notuð gegn sömu aðilum mætti flokka það sem andlegt ofbeldi.

 Í sumum tilvikum áttar fólk sig hreinlega ekki á því að það sé að beita þessum samskiptatólum við sína nánustu því að sjálft hefur það jafnvel verið alið upp í þessu samskiptamynstri.

Á næstu dögum munu Makamál fjalla nánar um samskiptatækni og -mynstur í ástarsamböndum og er því Spurningu vikunnar að þessu sinni beint til allra þeirra sem eru í ástarsambandi. 

Könnunin er að þessu sinni kynjaskipt og er fólk beðið um að svara þeirri könnun sem á við. 

Karlar svara hér: 

Konur svara hér: 

Kvár svara hér: 

Makamál hafa síðustu tvö ár spurt lesendur Vísis nær vikulega um þeirra skoðanir og viðhorf varðandi málefni tengd ástinni, samböndum, tilfinningum og kynlífi.

Fyrir áhugasama er hægt að nálgast allar fyrri Spurningar vikunnar og niðurstöður hér.