Andlát Elísabetar II Bretladrottningar hefur heldur betur sett strik sitt í leikjaáætlun ensku úrvalsdeildarinnar. Drottningin lést þann 8. september og var öllum leikjum í ensku úrvalsdeildinni, sem og neðri deildum þar í landi, frestað um liðna helgi.
Enn er óvíst hvað verður um leiki ensku félaganna í Evrópukeppni en nú þegar hefur nokkrum leikjum verið frestað sem fram áttu að fara um næstu helgi. Ástæðan er jarðaför drottningarinnar sem þá fer fram en mun stór meirihluti lögregluforða Bretlandseyja koma að jarðaförinni.
The #PL will resume this weekend after a pause to the season as a mark of respect following the passing of Her Majesty Queen Elizabeth II.
— Premier League (@premierleague) September 12, 2022
Seven of the 10 Matchweek 8 fixtures will be played, with three postponed due to events surrounding The Queen s funeral.
Þar með er ekki hægt að tryggja öryggi vallargesta né leikmanna og því eina í stöðunni að fresta leikjum. Hvort fleiri leikjum verði frestað á svo eftir að koma í ljós. Sem stendur hefur engum leik verið frestað í neðri deildum Englands vegna jarðarfararinnar.