Samningur Arnars lengri en KSÍ tilkynnti: „Þetta eru einhver mistök“ Sindri Sverrisson skrifar 19. ágúst 2022 08:01 Arnar Þór Viðarsson tók við sem þjálfari A-landsliðs karla af Svíanum Erik Hamrén í lok árs 2020. Getty/Juan Manuel Serrano Miðað við einu tilkynningu Knattspyrnusambands Íslands, um samning Arnars Þórs Viðarssonar sem þjálfari A-landsliðs karla, væru framundan í haust síðustu leikir samningstímans. Svo er þó aldeilis ekki og samningurinn gæti gilt vel fram á sumarið 2024. Arnar segir ljóst að sennilega hafi einhver gert mistök þegar fréttatilkynning KSÍ var gefin út í lok árs 2020, um að hann hefði skrifað undir samning til tveggja ára. Tilkynninguna má raunar, þegar þetta er skrifað, enn sjá á vef KSÍ og fjölmiðlar nýttu hana í öllum fréttaflutningi. Samt kom engin leiðrétting frá KSÍ. Skrifaði undir „1+2 samning“ Hvorki Klara Bjartmarz framkvæmdastjóri KSÍ, né Vanda Sigurgeirsdóttir formaður KSÍ, hafa svarað spurningum Vísis um hverju þetta sæti. Tekið skal þó fram að Vanda var ekki formaður þegar Arnar var ráðinn. Klara svaraði því aðeins til að samningur Arnars gilti vissulega fram yfir undankeppni EM á næsta ári, til ársloka 2023, og væri auk þess með ákvæði um framlengingu fram yfir umspil eða lokakeppni EM 2024 ef Ísland kæmist þangað. Af hverju annað hefði verið tilkynnt, eins og sjá má hér að neðan, á sínum tíma vissi hún ekki. Arnar Þór Viðarsson var kynntur sem landsliðsþjálfari í desember 2020 og samningur hans sagður til tveggja ára.Skjáskot/ksi.is „Þetta eru einhver mistök. Ég hef alla vega ekki skrifað undir nýjan samning eða neitt slíkt á þessum tíma,“ sagði Arnar við Vísi í gær. Ómar Smárason, deildarstjóri samskiptadeildar KSÍ, tók svo undir þetta í bréfi til blaðamanns og sagðist raunar hafa skrifað fréttina á vef KSÍ sjálfur á sínum tíma, eftir upplýsingum frá þáverandi formanni Guðna Bergssyni. Ljóst væri að „einhver misskilningur“ hefði verið varðandi lengd samningstíma. Uppsagnarákvæði var ekki nýtt „Ég skrifaði bara undir svokallaðan 1+2 samning, þar sem uppsagnarákvæði var í lok árs 2021,“ sagði Arnar, sem samhliða þjálfarastörfum hjá KSÍ hefur verið yfirmaður knattspyrnumála frá vorinu 2019. Þar sem þetta uppsagnarákvæði var hvorki nýtt af Arnari né KSÍ, í desember 2021, gildir samningur hans sem landsliðsþjálfari því í tvö ár til viðbótar frá þeim tíma. Sams konar uppsagnarákvæði í samningi Eiðs Smára Guðjohnsen, sem var aðstoðarþjálfari Arnars, var hins vegar nýtt í kjölfar áfengisneyslu hans í landsliðsferð. Jóhannes Karl Guðjónsson var svo ráðinn í stað Eiðs. Vilji stjórn KSÍ skipta um aðalþjálfara landsliðsins, fyrir árslok 2023, þyrfti hún því að taka ákvörðun um að reka Arnar. Slíkt virðist ekki vera í spilunum. Þrátt fyrir það hefur árangurinn hingað til valdið flestum vonbrigðum. Eftir að hafa gert jafntefli í fyrstu þremur leikjunum í sínum riðli í B-deild Þjóðadeildarinnar eru meiri líkur en minni á að Ísland endi neðst í riðlinum, og sleppi aðeins við fall í C-deild vegna þess að Rússland er í riðli Íslands og var dæmt úr leik vegna stríðsins í Úkraínu. Það er engu að síður ljóst að Arnar nýtur stuðnings formanns. Vanda sagði við Vísi eftir landsleikjatörnina í júní að stjórnin hefði ekkert rætt um þann möguleika að skipta um þjálfara. Staða hans hefði ekkert breyst og að hún hefði séð framfarir í leik landsliðsins. Alls hefur Ísland leikið 21 leik undir stjórn Arnars og unnið fjóra (gegn Liechtenstein, Færeyjum og San Marínó), gert níu jafntefli en tapað átta. Í júní gerði Ísland tvisvar sinnum 2-2 jafntefli við Ísrael, 1-1 jafntefli á heimavelli gegn Albaníu og vann 1-0 útisigur gegn San Marínó í vináttulandsleik. Einu sigurleikirnir í mótsleikjum undir stjórn Arnars hafa komið gegn Liechtenstein. Engum dylst þó forsendubresturinn varðandi gjaldgenga leikmenn í landsliðið, frá því að Arnar var ráðinn. „Hann er þjálfarinn, við stöndum við bakið á þjálfaranum, við erum í uppbyggingarferli með ungt og reynsluminna lið, og horfum bara til framtíðar,“ sagði Vanda við Vísi eftir leikina í júní. Ísland lýkur keppni í Þjóðadeildinni 27. september með útileik gegn Albaníu og mætir svo Sádi Arabíu í umdeildum vináttulandsleik 6. nóvember áður en liðið heldur til Litháen og spilar í Eystrasaltsbikarnum, Baltic Cup. Næsta ár er mun stærra fyrir landsliðið en þá fer fram öll undankeppni EM. KSÍ Þjóðadeild UEFA Landslið karla í fótbolta Fótbolti Mest lesið Sögðu danskri landsliðskonu að fara heim að vaska upp Fótbolti Írskur smáklúbbur græðir meira en hálfan milljarð þökk sé Liverpool Enski boltinn Ástandið á Urriðavelli ekki gott og Íslandsmótið fært á Hlíðavöll Golf „Reynt að halda væntingum niðri og ég spyr mig af hverju?“ Fótbolti Sonur Bruno Fernandes mætti á æfingu hjá FH Enski boltinn Sjáðu Ronaldo skjóta Portúgal áfram í úrslitaleikinn Fótbolti Gunnlaugur paraður með sænskri stelpu í Arnold Palmer bikarnum Golf Lýst sem ungum Elvari: Reynir til eins besta liðs Þýskalands Handbolti Dagur Árni fetar í fótspor pabba síns Handbolti Klessti á Ronaldo í hjólastólnum sínum Fótbolti Fleiri fréttir Leikur Íslands og Brasilíu í beinni á Stöð 2 Sport Liverpool hafnaði tilboði Barcelona Sonur Bruno Fernandes mætti á æfingu hjá FH Sjáðu Ronaldo skjóta Portúgal áfram í úrslitaleikinn Stjörnur Chelsea spiluðu saman í unglingaliði City Mbuemo fer fram á fimmfalt hærri laun „Reynt að halda væntingum niðri og ég spyr mig af hverju?“ Sögðu danskri landsliðskonu að fara heim að vaska upp Klessti á Ronaldo í hjólastólnum sínum Rio Ferdinand: Ég er skotskífa vegna gengis Man United Írskur smáklúbbur græðir meira en hálfan milljarð þökk sé Liverpool Brady byggir nýjan leikvang fyrir Willum og Alfons Leiknir byrjar vel undir stjórn Gústa Gylfa og ÍR-ingar á toppinn Ronaldo skaut Portúgal í úrslitaleikinn Margir leikmenn á förum frá Arsenal Segist ekki vilja taka tíuna hjá Liverpool af Mac Allister FIFA lækkar miðaverðið á opnunarleik HM en þúsundir miða eru óseldir Di Maria farinn heim Tíu leikir í röð án sigurs: Stelpunum okkar ekki gengið svona illa síðan um aldamótin England verður án þriggja Evrópumeistara á EM Andri Már fékk tískuráð á stórleiknum á Kópavogsvelli Fiorentina óákveðið og lið í Meistaradeildinni hafa áhuga á Alberti Inter búið að hafa samband við Fabregas Stelpurnar okkar mæta Írum, Finnum eða Tékkum í umspilinu Myndaveisla frá nýja Laugardalsvellinum: Fyrsta landsliðið heiðrað, HúbbaBúbba upphitun og svekkjandi tap City búið að semja um kaupverð á Reijnders Ísak áreittur af stuðningsmönnum: „Hef aldrei séð svona áður“ Enska landsliðið æfir í upphituðum tjöldum til að undirbúa sig fyrir HM Völdu þann leikmann í Bestu deildinni sem er líkastur þeim sjálfum Skráði óvart 51 árs gamla konu í landsliðið og nýliðinn mátti ekki spila Sjá meira
Arnar segir ljóst að sennilega hafi einhver gert mistök þegar fréttatilkynning KSÍ var gefin út í lok árs 2020, um að hann hefði skrifað undir samning til tveggja ára. Tilkynninguna má raunar, þegar þetta er skrifað, enn sjá á vef KSÍ og fjölmiðlar nýttu hana í öllum fréttaflutningi. Samt kom engin leiðrétting frá KSÍ. Skrifaði undir „1+2 samning“ Hvorki Klara Bjartmarz framkvæmdastjóri KSÍ, né Vanda Sigurgeirsdóttir formaður KSÍ, hafa svarað spurningum Vísis um hverju þetta sæti. Tekið skal þó fram að Vanda var ekki formaður þegar Arnar var ráðinn. Klara svaraði því aðeins til að samningur Arnars gilti vissulega fram yfir undankeppni EM á næsta ári, til ársloka 2023, og væri auk þess með ákvæði um framlengingu fram yfir umspil eða lokakeppni EM 2024 ef Ísland kæmist þangað. Af hverju annað hefði verið tilkynnt, eins og sjá má hér að neðan, á sínum tíma vissi hún ekki. Arnar Þór Viðarsson var kynntur sem landsliðsþjálfari í desember 2020 og samningur hans sagður til tveggja ára.Skjáskot/ksi.is „Þetta eru einhver mistök. Ég hef alla vega ekki skrifað undir nýjan samning eða neitt slíkt á þessum tíma,“ sagði Arnar við Vísi í gær. Ómar Smárason, deildarstjóri samskiptadeildar KSÍ, tók svo undir þetta í bréfi til blaðamanns og sagðist raunar hafa skrifað fréttina á vef KSÍ sjálfur á sínum tíma, eftir upplýsingum frá þáverandi formanni Guðna Bergssyni. Ljóst væri að „einhver misskilningur“ hefði verið varðandi lengd samningstíma. Uppsagnarákvæði var ekki nýtt „Ég skrifaði bara undir svokallaðan 1+2 samning, þar sem uppsagnarákvæði var í lok árs 2021,“ sagði Arnar, sem samhliða þjálfarastörfum hjá KSÍ hefur verið yfirmaður knattspyrnumála frá vorinu 2019. Þar sem þetta uppsagnarákvæði var hvorki nýtt af Arnari né KSÍ, í desember 2021, gildir samningur hans sem landsliðsþjálfari því í tvö ár til viðbótar frá þeim tíma. Sams konar uppsagnarákvæði í samningi Eiðs Smára Guðjohnsen, sem var aðstoðarþjálfari Arnars, var hins vegar nýtt í kjölfar áfengisneyslu hans í landsliðsferð. Jóhannes Karl Guðjónsson var svo ráðinn í stað Eiðs. Vilji stjórn KSÍ skipta um aðalþjálfara landsliðsins, fyrir árslok 2023, þyrfti hún því að taka ákvörðun um að reka Arnar. Slíkt virðist ekki vera í spilunum. Þrátt fyrir það hefur árangurinn hingað til valdið flestum vonbrigðum. Eftir að hafa gert jafntefli í fyrstu þremur leikjunum í sínum riðli í B-deild Þjóðadeildarinnar eru meiri líkur en minni á að Ísland endi neðst í riðlinum, og sleppi aðeins við fall í C-deild vegna þess að Rússland er í riðli Íslands og var dæmt úr leik vegna stríðsins í Úkraínu. Það er engu að síður ljóst að Arnar nýtur stuðnings formanns. Vanda sagði við Vísi eftir landsleikjatörnina í júní að stjórnin hefði ekkert rætt um þann möguleika að skipta um þjálfara. Staða hans hefði ekkert breyst og að hún hefði séð framfarir í leik landsliðsins. Alls hefur Ísland leikið 21 leik undir stjórn Arnars og unnið fjóra (gegn Liechtenstein, Færeyjum og San Marínó), gert níu jafntefli en tapað átta. Í júní gerði Ísland tvisvar sinnum 2-2 jafntefli við Ísrael, 1-1 jafntefli á heimavelli gegn Albaníu og vann 1-0 útisigur gegn San Marínó í vináttulandsleik. Einu sigurleikirnir í mótsleikjum undir stjórn Arnars hafa komið gegn Liechtenstein. Engum dylst þó forsendubresturinn varðandi gjaldgenga leikmenn í landsliðið, frá því að Arnar var ráðinn. „Hann er þjálfarinn, við stöndum við bakið á þjálfaranum, við erum í uppbyggingarferli með ungt og reynsluminna lið, og horfum bara til framtíðar,“ sagði Vanda við Vísi eftir leikina í júní. Ísland lýkur keppni í Þjóðadeildinni 27. september með útileik gegn Albaníu og mætir svo Sádi Arabíu í umdeildum vináttulandsleik 6. nóvember áður en liðið heldur til Litháen og spilar í Eystrasaltsbikarnum, Baltic Cup. Næsta ár er mun stærra fyrir landsliðið en þá fer fram öll undankeppni EM.
KSÍ Þjóðadeild UEFA Landslið karla í fótbolta Fótbolti Mest lesið Sögðu danskri landsliðskonu að fara heim að vaska upp Fótbolti Írskur smáklúbbur græðir meira en hálfan milljarð þökk sé Liverpool Enski boltinn Ástandið á Urriðavelli ekki gott og Íslandsmótið fært á Hlíðavöll Golf „Reynt að halda væntingum niðri og ég spyr mig af hverju?“ Fótbolti Sonur Bruno Fernandes mætti á æfingu hjá FH Enski boltinn Sjáðu Ronaldo skjóta Portúgal áfram í úrslitaleikinn Fótbolti Gunnlaugur paraður með sænskri stelpu í Arnold Palmer bikarnum Golf Lýst sem ungum Elvari: Reynir til eins besta liðs Þýskalands Handbolti Dagur Árni fetar í fótspor pabba síns Handbolti Klessti á Ronaldo í hjólastólnum sínum Fótbolti Fleiri fréttir Leikur Íslands og Brasilíu í beinni á Stöð 2 Sport Liverpool hafnaði tilboði Barcelona Sonur Bruno Fernandes mætti á æfingu hjá FH Sjáðu Ronaldo skjóta Portúgal áfram í úrslitaleikinn Stjörnur Chelsea spiluðu saman í unglingaliði City Mbuemo fer fram á fimmfalt hærri laun „Reynt að halda væntingum niðri og ég spyr mig af hverju?“ Sögðu danskri landsliðskonu að fara heim að vaska upp Klessti á Ronaldo í hjólastólnum sínum Rio Ferdinand: Ég er skotskífa vegna gengis Man United Írskur smáklúbbur græðir meira en hálfan milljarð þökk sé Liverpool Brady byggir nýjan leikvang fyrir Willum og Alfons Leiknir byrjar vel undir stjórn Gústa Gylfa og ÍR-ingar á toppinn Ronaldo skaut Portúgal í úrslitaleikinn Margir leikmenn á förum frá Arsenal Segist ekki vilja taka tíuna hjá Liverpool af Mac Allister FIFA lækkar miðaverðið á opnunarleik HM en þúsundir miða eru óseldir Di Maria farinn heim Tíu leikir í röð án sigurs: Stelpunum okkar ekki gengið svona illa síðan um aldamótin England verður án þriggja Evrópumeistara á EM Andri Már fékk tískuráð á stórleiknum á Kópavogsvelli Fiorentina óákveðið og lið í Meistaradeildinni hafa áhuga á Alberti Inter búið að hafa samband við Fabregas Stelpurnar okkar mæta Írum, Finnum eða Tékkum í umspilinu Myndaveisla frá nýja Laugardalsvellinum: Fyrsta landsliðið heiðrað, HúbbaBúbba upphitun og svekkjandi tap City búið að semja um kaupverð á Reijnders Ísak áreittur af stuðningsmönnum: „Hef aldrei séð svona áður“ Enska landsliðið æfir í upphituðum tjöldum til að undirbúa sig fyrir HM Völdu þann leikmann í Bestu deildinni sem er líkastur þeim sjálfum Skráði óvart 51 árs gamla konu í landsliðið og nýliðinn mátti ekki spila Sjá meira
Myndaveisla frá nýja Laugardalsvellinum: Fyrsta landsliðið heiðrað, HúbbaBúbba upphitun og svekkjandi tap