Kvöldfréttir Stöðvar 2

Karlmaður sem féll í Brúará við Miðfoss á þriðja tímanum í dag er látinn. Þyrla Landhelgisgæslunnar var kölluð út sem og fjölmennt lið viðbragðsaðila og fannst maðurinn eftir skamma leit.

Rússar leita nú að bandamönnum utan Vesturlanda og reyna að efla sambönd sín við ríki í Asíu og Afríku. Sergey Lavrov, utanríkisráðherra Rússa, hóf fundahöld við ráðamenn í Egyptalandi í dag en ríkið er það fyrsta sem hann heimsækir á ferð sinni um Afríku.

Mikil heppni var að flugmaður flugvélar sem nauðlenti á Nýjabæjarfjalli í gær hafi fundið svo góðan stað til að lenda á. Flugmaðurinn og farþeginn sluppu báðir með skrekkinn en þyrla Landhelgisgæslunnar kom þeim til aðstoðar þar sem þeir lentu í þúsund metra hæð.

Og við heimsækjum óvenjulegan páfagauk með ótrúlegan orðaforða. 

Þetta og margt fleira í Kvöldfréttum Stöðvar 2 í kvöld sem er hægt að hlusta á í beinni útsendingu í spilaranum hér að neðan: