Flott veiði í veiði í Langavatni í Reykjasveit

Þetta er eitt af þeim vötnum sem er alveg undir radar hjá mörgum en það er klárlega kominn tími til að prófa það. Árni Kristinn Skúlason var við veiðar í vatninu í gær og á stuttum tíma setti hann í og landaði 24  fallegum bleikjum þar af voru tvær sem náðu 50 sm í lengd. Mest af bleikjunni er falleg 1-2 punda bleikja.

Af þessum 24 bleikjum var 12 sleppt aftur. Það er mikið af bleikju í vatninu og á góðum degi er eins og vatnið kraumi í yfirborðstökum og þegar maður hefur heyrt svona lýsingar þarf klárlega að setja þetta vatn á kortið. Þær flugur sem voru að gefa best voru Pheasant Tail og Czeck Weapon en þessa flugu höfum við ekki fengið að sjá ennþá, það eru ekki öll leynivopn sýnd.

Árni sagði samtali við Veiðivísi að bleikjan gæti verið var um sig en tæki best með löngum taum og mjög hægum inndrætti. Það þyrfti að bregðast vði tökum og tökuvari væri líklega ekki slæmur.