Ás­dís verði næsti bæjar­stjóri Kópa­vogs

Þetta fullyrðir Morgunblaðið og hefur eftir öruggum heimildum. Framsókn og Sjálfstæðisflokkur hafa boðað til blaðamannafundar klukkan 15 á morgun þar sem Ásdís mun, ásamt Orra Hlöðverssyni, oddvita Framsóknar, kynna málefnasamning flokkanna.

Flokkarnir tveir voru í meirihluta í Kópavogi síðasta kjörtímabil. Sá meirihluti hélt velli. Sjálfstæðismenn töpuðu þó einum manni frá kosningunum 2018 á meðan Framsókn bætti við sig manni.

Morgunblaðið fullyrðir að Ásdís verði bæjarstjóri út kjörtímabilið, auk þess sem Framsókn muni skipa í embætti formann bæjarráðs. Þá muni embætti forseta bæjarstjórnar skiptast á milli flokkanna, þannig að hvor flokkur haldi embættinu helming kjörtímabils.