Kókaín­smygl­hneyksli for­sætis­ráð­herrans skekur Bresku jóm­frúar­eyjarnar

Þetta kemur fram á vef dagblaðsins Miami Herald þar sem segir að Fahie og Oleanvine Maynard, framkvæmdastjóra hafnaryfirvalda Bresku jómfrúareyja hafi verið handteknir í aðgerðum lögreglu í Miami.

Þar segir að fulltrúar Fíkniefnalögreglu Bandaríkjanna hafi sett upp aðgerð til að handtaka Fahie og Maynard. Fóru þeir félagar á fund fulltrúanna sem þóttust vera kókaínsmyglarar og meðlimir í mexíkóska eiturlyfjahringnum Sinaloa.

 Voru Fahie og Maynard lokkaðir til fundarins undir því yfirskyni að þeir ættu að ganga úr skugga um að sending með 700 þúsund dollurum væri á leið til Bresku jómfrúareyjanna.

Var þeim sagt að fjármunirnir væru greiðsla fyrir að leyfa eiturlyfjahringnum að senda kókaín til Bandaríkjanna í gegnum eyjarnar.

Fahie og Maynard dúsa nú í fangelsi þar sem þeir hafa verið ákærðir fyrir það að hafa lagt á ráðin um að flytja meira fimm kíló af kókaíni til Bandaríkjanna og tilraun til peningaþvættis.