Fótbolti

Gott gengi Hólmberts og félaga heldur áfram

Hjörtur Leó Guðjónsson skrifar
Hólmbert Aron Friðjónsson í leik með íslenska landsliðinu.
Hólmbert Aron Friðjónsson í leik með íslenska landsliðinu. vísir/Getty

Hólmbert Aron Friðjónsson var í byrjunarliði Lilleström er liðið vann góðan 2-0 sigur gegn Ålesund í fimmtu umferð norsku úrvalsdeildarinnar í fótbolta í kvöld.

Bæði mörk leiksins voru skoruð í fyrri hálfleik, en Hólmbert var tekinn af velli þegar um tuttugu mínútur voru til leiksloka.

Hólmbert og félagar hafa farið vel af stað í norsku úrvalsdeildinni, en liðið hefur unnið fjóra af fyrstu fimm leikjum tímabilsins. Þá hefur liðið einnig gert eitt jafntefli og er eina liðið í deildinni sem hefur ekki enn tapað leik.

Lilleström situr því á toppi deildarinnar með 13 stig eftir fimm leiki, sex stigum meira en Ålesund.

Norski boltinn

Mest lesið


Fleiri fréttir

Sjá meira


×

Mest lesið