Hættum að bregðast við! Jóhann Karl Ásgeirsson Gígja skrifar 27. apríl 2022 15:01 Hveragerði hefur alltaf verið mikill íþrótta- og útivistarbær. Við erum með eitt fallegasta útisvæði landsins undir Hamrinum, gríðarleg tækifæri til uppbyggingar á Grýluvallarsvæðinu og einstaka sundlaug í Laugarskarði. En betur má ef duga skal. Mikilvægt er að tryggja samkeppnishæfa aðstöðu í íþróttastarfi í Hveragerði í samræmi við raunhæfa framtíðastefnu. Ekki hlustað á notendur Hamarshallarinnar Eins og flestum er kunnugt um samþykkti Sjálfstæðisflokkurinn að pöntuð yrði ný loftborin höll í stað þess að hlusta á aðra kosti sem minnihlutinn hafði aflað verðhugmyndar og upplýsinga um, og kostaði miklum mun minna en þeir valkostir sem voru tíundaðir í ófullgerðri skýrslu Verkís sem lá fyrir fundinum. Sjálfstæðisflokkurinn hafnaði því að skoða þann valkost nánar. Á fundinum vísuðu bæjarfulltrúar Sjálfstæðisflokksins til þess að hlustað hefði verið á raddir íþróttahreyfingarinnar við töku ákvörðunarinnar. Það er einfaldlega ekki satt. Allar þær íþróttagreinar sem nýttu sér þá aðstöðu sem boðið var upp á með tilkomu loftblöðrunar vildu sjá endurbætur í stað stöðnunar. Til að mynda hefur ekki verið brugðist við því að loftþrýstingurinn hefur áhrif á badminton-flugur og blakbolta, hitastigið fari illa í þau börn sem stunda fimleika ásamt því að engir flatir veggir séu til staðar í slíku húsnæði sem takmarkar æfingar sem hægt er að stunda. Að auki hentar húsnæðið illa fyrir körfuknattleik af ýmsum ástæðum og hefur KKÍ gefið það út að ekki séu líkur á því að heimilaðir verði keppnisleikir í húsnæðinu þar sem loftþrýstingur sé annar en almennt gerist í íþróttahúsum og það hafi mikil áhrif á leikinn og leikmenn. Ýmsir óvissuþættir eru einnig enn til staðar. Það er ekki komið á hreint hvort tjónið verði bætt að fullu, áhættumat var ekki gert, fyrir utan þá staðreynd að ekki er vitað hversu lengi næsta loftblaðra mun standa. Því er mér spurn, er það hlutverk Sjálfstæðisflokksins að stunda áhættufjárfestingar fyrir hönd bæjarbúa? Með uppsetningu skammtímausnar varðandi Hamarshöllina viðhöldum við þeim vandkvæðum sem þessum loftborna húsakosti fylgir og stöndum þannig frammi fyrir því að þurfa að bregðast við eftir á enn á ný þegar að því kemur að hún springur aftur. Útivistarsvæðið undir Hamrinum Útivistarsvæðið undir Hamrinum er að mati undirritaðs eitt fallegasta útivistarsvæði sem fyrir finnst á Íslandi. Því er grátlegt að þau tækifæri sem felast í því svæði hafi ekki verið nýtt. Búið er að setja upp frisbígolfvöll á svæðinu sem er frábært en umhirða og umsjón vallarins mætti hins vegar vera betri. Við svæðið stendur malarplan í eigu bæjarins sem hægt væri að nýta miklu betur. Einnig er það brýnt að ærslabelgurinn fari aftur upp, þar eða annars staðar, en einfaldar lausnir eru á slæmri umgengni um belginn sem hefði verið auðvelt að huga að strax í upphafi að fenginni reynslu annarra sveitarfélaga. Tækifærin eru endalaus, það vantar bara viljann til þess að hrinda þessu í framkvæmd og gera það vel. Það er eitthvað sem við í Okkar Hveragerði höfum svo sannarlega. Aukinn frístundastyrkur fyrir tekjulága Annar hópur sem oft virðist gleymast í umræðunni eru þær fjölskyldur sem minna hafa milli handana. Því er mjög mikilvægt að frístundarstyrkur verði aukinn til þeirra sem á þurfa að halda. Því það á ekki að vera eingöngu á höndum þeirra sem efni hafa á að leyfa börnum sínum að stunda íþróttir. Í Hveragerði eiga allir að hafa jöfn tækifæri til íþróttaiðkunar óháð fjárhagsstöðu foreldra eða forráðamanna. Einnig þarf að tryggja stuðning í íþrótta- og frístundastarfi og í lengdri viðveru fyrir börn og ungmenni með stuðningsþarfir. Þetta er hópur sem gleymist alltof oft í annars góðu starfi íþróttahreyfingarinnar. Viðhalda þarf leiksvæðum og fjölga þeim Hægt er að fara ýmsar leiðir í að auka við hreyfingu og útiveru barna og ungmenna. Uppbygging og viðhald leiksvæða í bæjarfélaginu eru stór þáttur í því. Viðhalda þarf núverandi leiksvæðum mun betur en nú er gert og í ört stækkandi bæjarfélagi eins og Hveragerði þarf fjölgun leiksvæða að fylgja með. Við þurfum að hætta að bregðast við fólksfjölgun og gera fremur ráð fyrir henni. Mikilvægt er að koma upp leiksvæðum á dreifðum staðsetningum um bæinn svo börn og ungmenni eigi auðvelt með að sækja slík svæði heim óháð því hvar í Hveragerði þau búa. Sem dæmi um staðsetningu slíks leikvallar þar sem hefur skort leiksvæði er hægt að nefna grasblettinn í Heiðarbrún, en þar er kjörið tækifæri fyrir stórt og flott leiksvæði sem ekki hefur verið nýtt. Í Kambalandinu verða sömuleiðis að rísa upp leiksvæði fyrir þær fjölmörgu fjölskyldur sem koma til með að búa þar á stóru svæði. Þessi leiksvæði þurfa einnig að geta nýst allan ársins hring. Því er það brýnt að þessi svæði verði upphituð eins og kostur er. Það hreinlega gengur ekki að leiksvæði geti eingöngu nýst ungmennum hluta úr ári eins og verið hefur. Hættum að bregðast við með skammtímalausnum, hugsum til lengri tíma með fyrirbyggjandi aðgerðum, sköpum varanlega aðstöðu sem helst í hendur við fólksfjölgun í bæjarfélaginu! Höfundur skipar 7. sæti á lista Okkar Hveragerðis Viltu birta grein á Vísi? Sendu okkur póst. Senda grein Hveragerði Sveitarstjórnarkosningar 2022 Skoðun: Kosningar 2022 Hamar Mest lesið Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun Evrópusambandið eykur varnir gegn netógnum með öflugu regluverki Þórdís Rafnsdóttir Skoðun Á hvaða ári er Inga Sæland stödd? Snorri Másson Skoðun Stækkun Þjóðleikhússins er löngu tímabær Lilja Björk Haraldsdóttir Skoðun Draugagangur í Alaska Hannes Pétursson Skoðun 76 dagar Erlingur Sigvaldason Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Körfubolti á tímum þjóðarmorðs Bjarni Þór Sigurbjörnsson Skoðun Skoðun Skoðun Það er að byrja alvarlegur faraldur sem við þurfum að stoppa strax í dag Steindór Þórarinsson skrifar Skoðun Stækkun Þjóðleikhússins er löngu tímabær Lilja Björk Haraldsdóttir skrifar Skoðun Evrópusambandið eykur varnir gegn netógnum með öflugu regluverki Þórdís Rafnsdóttir skrifar Skoðun Von í Vonarskarði Þuríður Helga Kristjánsdóttir skrifar Skoðun Þjóð gegn þjóðarmorði Finnbjörn A. Hermannsson,Guðrún Margrét Guðmundsdóttir skrifar Skoðun Hvað er eiginlega málið með þessa þéttingu?? Einar Sveinbjörn Guðmundsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður harpa Sigurðardóttir skrifar Skoðun Eitt próf á ári – er það snemmtæk íhlutun? Íris E. Gísladóttir skrifar Skoðun Þegar öllu er á botninn hvolft Ingólfur Sverrisson skrifar Skoðun Kynbundin áhrif barneigna á atvinnuþátttöku og tekjur Sigríður Ingibjörg Ingadóttir,Steinunn Bragadóttir skrifar Skoðun Viltu finna milljarð? - Frá gráu svæði í gagnsæi Gunnar Pétur Haraldsson skrifar Skoðun Ný sókn í menntamálum – tækifæri eða hliðarskref? Ingibjörg Isaksen skrifar Skoðun Á hvaða ári er Inga Sæland stödd? Snorri Másson skrifar Skoðun Eru börn innviðir? Hjördís Eva Þórðardóttir skrifar Skoðun Háskólaþorpið Bifröst og fólkið sem gleymdist Margrét Jónsdóttir Njarðvík skrifar Skoðun Körfubolti á tímum þjóðarmorðs Bjarni Þór Sigurbjörnsson skrifar Skoðun Draugagangur í Alaska Hannes Pétursson skrifar Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar Skoðun 76 dagar Erlingur Sigvaldason skrifar Skoðun Í minningu körfuboltahetja Snæbjörn Guðmundsson skrifar Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar Skoðun Húsnæðisbæturnar sem hurfu Ragnar Sigurður Kristjánsson skrifar Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar Skoðun Hjartans mál í kennslu Sigurður Árni Reynisson skrifar Skoðun Hunsuðu menntamálin – en ætla nú að bjarga þeim Sigurður Kári Harðarson skrifar Skoðun Sporin þín Valtýr Soffía Sigurðardóttir skrifar Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar Skoðun Sjallar og lyklaborðið Sigfús Ómar Höskuldsson skrifar Sjá meira
Hveragerði hefur alltaf verið mikill íþrótta- og útivistarbær. Við erum með eitt fallegasta útisvæði landsins undir Hamrinum, gríðarleg tækifæri til uppbyggingar á Grýluvallarsvæðinu og einstaka sundlaug í Laugarskarði. En betur má ef duga skal. Mikilvægt er að tryggja samkeppnishæfa aðstöðu í íþróttastarfi í Hveragerði í samræmi við raunhæfa framtíðastefnu. Ekki hlustað á notendur Hamarshallarinnar Eins og flestum er kunnugt um samþykkti Sjálfstæðisflokkurinn að pöntuð yrði ný loftborin höll í stað þess að hlusta á aðra kosti sem minnihlutinn hafði aflað verðhugmyndar og upplýsinga um, og kostaði miklum mun minna en þeir valkostir sem voru tíundaðir í ófullgerðri skýrslu Verkís sem lá fyrir fundinum. Sjálfstæðisflokkurinn hafnaði því að skoða þann valkost nánar. Á fundinum vísuðu bæjarfulltrúar Sjálfstæðisflokksins til þess að hlustað hefði verið á raddir íþróttahreyfingarinnar við töku ákvörðunarinnar. Það er einfaldlega ekki satt. Allar þær íþróttagreinar sem nýttu sér þá aðstöðu sem boðið var upp á með tilkomu loftblöðrunar vildu sjá endurbætur í stað stöðnunar. Til að mynda hefur ekki verið brugðist við því að loftþrýstingurinn hefur áhrif á badminton-flugur og blakbolta, hitastigið fari illa í þau börn sem stunda fimleika ásamt því að engir flatir veggir séu til staðar í slíku húsnæði sem takmarkar æfingar sem hægt er að stunda. Að auki hentar húsnæðið illa fyrir körfuknattleik af ýmsum ástæðum og hefur KKÍ gefið það út að ekki séu líkur á því að heimilaðir verði keppnisleikir í húsnæðinu þar sem loftþrýstingur sé annar en almennt gerist í íþróttahúsum og það hafi mikil áhrif á leikinn og leikmenn. Ýmsir óvissuþættir eru einnig enn til staðar. Það er ekki komið á hreint hvort tjónið verði bætt að fullu, áhættumat var ekki gert, fyrir utan þá staðreynd að ekki er vitað hversu lengi næsta loftblaðra mun standa. Því er mér spurn, er það hlutverk Sjálfstæðisflokksins að stunda áhættufjárfestingar fyrir hönd bæjarbúa? Með uppsetningu skammtímausnar varðandi Hamarshöllina viðhöldum við þeim vandkvæðum sem þessum loftborna húsakosti fylgir og stöndum þannig frammi fyrir því að þurfa að bregðast við eftir á enn á ný þegar að því kemur að hún springur aftur. Útivistarsvæðið undir Hamrinum Útivistarsvæðið undir Hamrinum er að mati undirritaðs eitt fallegasta útivistarsvæði sem fyrir finnst á Íslandi. Því er grátlegt að þau tækifæri sem felast í því svæði hafi ekki verið nýtt. Búið er að setja upp frisbígolfvöll á svæðinu sem er frábært en umhirða og umsjón vallarins mætti hins vegar vera betri. Við svæðið stendur malarplan í eigu bæjarins sem hægt væri að nýta miklu betur. Einnig er það brýnt að ærslabelgurinn fari aftur upp, þar eða annars staðar, en einfaldar lausnir eru á slæmri umgengni um belginn sem hefði verið auðvelt að huga að strax í upphafi að fenginni reynslu annarra sveitarfélaga. Tækifærin eru endalaus, það vantar bara viljann til þess að hrinda þessu í framkvæmd og gera það vel. Það er eitthvað sem við í Okkar Hveragerði höfum svo sannarlega. Aukinn frístundastyrkur fyrir tekjulága Annar hópur sem oft virðist gleymast í umræðunni eru þær fjölskyldur sem minna hafa milli handana. Því er mjög mikilvægt að frístundarstyrkur verði aukinn til þeirra sem á þurfa að halda. Því það á ekki að vera eingöngu á höndum þeirra sem efni hafa á að leyfa börnum sínum að stunda íþróttir. Í Hveragerði eiga allir að hafa jöfn tækifæri til íþróttaiðkunar óháð fjárhagsstöðu foreldra eða forráðamanna. Einnig þarf að tryggja stuðning í íþrótta- og frístundastarfi og í lengdri viðveru fyrir börn og ungmenni með stuðningsþarfir. Þetta er hópur sem gleymist alltof oft í annars góðu starfi íþróttahreyfingarinnar. Viðhalda þarf leiksvæðum og fjölga þeim Hægt er að fara ýmsar leiðir í að auka við hreyfingu og útiveru barna og ungmenna. Uppbygging og viðhald leiksvæða í bæjarfélaginu eru stór þáttur í því. Viðhalda þarf núverandi leiksvæðum mun betur en nú er gert og í ört stækkandi bæjarfélagi eins og Hveragerði þarf fjölgun leiksvæða að fylgja með. Við þurfum að hætta að bregðast við fólksfjölgun og gera fremur ráð fyrir henni. Mikilvægt er að koma upp leiksvæðum á dreifðum staðsetningum um bæinn svo börn og ungmenni eigi auðvelt með að sækja slík svæði heim óháð því hvar í Hveragerði þau búa. Sem dæmi um staðsetningu slíks leikvallar þar sem hefur skort leiksvæði er hægt að nefna grasblettinn í Heiðarbrún, en þar er kjörið tækifæri fyrir stórt og flott leiksvæði sem ekki hefur verið nýtt. Í Kambalandinu verða sömuleiðis að rísa upp leiksvæði fyrir þær fjölmörgu fjölskyldur sem koma til með að búa þar á stóru svæði. Þessi leiksvæði þurfa einnig að geta nýst allan ársins hring. Því er það brýnt að þessi svæði verði upphituð eins og kostur er. Það hreinlega gengur ekki að leiksvæði geti eingöngu nýst ungmennum hluta úr ári eins og verið hefur. Hættum að bregðast við með skammtímalausnum, hugsum til lengri tíma með fyrirbyggjandi aðgerðum, sköpum varanlega aðstöðu sem helst í hendur við fólksfjölgun í bæjarfélaginu! Höfundur skipar 7. sæti á lista Okkar Hveragerðis
Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Skoðun Það er að byrja alvarlegur faraldur sem við þurfum að stoppa strax í dag Steindór Þórarinsson skrifar
Skoðun Mikilvægi aðgengis og algildrar hönnunar að byggingum í dag og til framtíðar Þuríður harpa Sigurðardóttir skrifar
Skoðun Kynbundin áhrif barneigna á atvinnuþátttöku og tekjur Sigríður Ingibjörg Ingadóttir,Steinunn Bragadóttir skrifar
Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson skrifar
Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson skrifar
Skoðun Er kominn tími til að láta endurmeta brunabótamatið á þínu húsnæði? Heiðrún Jónsdóttir skrifar
Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir skrifar
Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptaráðs Birgir Orri Ásgrímsson skrifar
Skoðun Mikilvægi aðgengis og algildrar hönnunar að byggingum í dag og til framtíðar Þuríður Harpa Sigurðardóttir skrifar
Það er að byrja alvarlegur faraldur sem við þurfum að stoppa strax í dag Steindór Þórarinsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun