Fótbolti

Velgeir og félagar hófu tímabilið á sigri | Jafntefli og tap í norksa boltanum

Hjörtur Leó Guðjónsson skrifar
Valgeir Lunddal Friðriksson í leik með Valsmönnum.
Valgeir Lunddal Friðriksson í leik með Valsmönnum. VÍSIR/DANÍEL

Það voru nokkrir Íslendingar í eldlínunni í skandínavíska fótboltanum í dag. Valgeir Lunddal Friðriksson lék allan leikinn í 4-2 sigri Häcken gegn AIK í Svíþjóð, Hólmert Aron Friðjónsson var í byrjunarliði Lilleström sem gerði 2-2 jafntefli gegn Ham-Kam í noregi og þá var Viðar Örn Kjartansson í fremstu víglínu hjá Vålerenga sem tapaði 1-0 gegn Molde.

Valgeir og félagar í Häcken voru komnir í 2-0 forystu strax á 14. mínútu, en gestirnir í AIK minnkuðu muninn stuttu síðar og staðan var því 2-1 þegar flautað var til hálfleiks.

Heimamenn í Häcken skoruðu svo tvö mörk snemma í síðari hálfleik áður en gestirnir komu inn einu sárabótamarki rúmum tíu mínútum fyrir leikslok og niðurstaðan varð því 4-2 sigur Valgeirs og félaga.

Hólmbert Aron lék fyrsta klukkutíman í 2-2 jafntefli Lilleström gegn Ham-Kam í norska boltanum. Ham-Kam náði 2-0 forystu í fyrri hálfleik, en gestirnir í Lilleström jöfnuðu metin með mörkum á 65. og 70. mínútu.

Að lokum lék Viðar Örn Kjartansson 65 mínútur í 1-0 tapi Vålerenga gegn Molde.

Sænski boltinn Norski boltinn

Mest lesið


Fleiri fréttir

Sjá meira


×

Mest lesið