Augsburg af fallsvæðinu eftir jafntefli gegn Dortmund

Alfreð Finnbogason var fjarri góðu gamni hjá Augsburg vegna meiðsla og sama má segja um Erling Braut Haaland hjá Dortmund.

Thorgan Hazard kom Dortmund í forystu eftir hálftíma leik en Noah Joel Sarenren Bazee tókst að jafna metin fyrir Augsburg þegar nokkrar mínútur lifðu leiks.

Dortmund að missa af lestinni í baráttunni um toppsætið þar sem liðið er nú átta stigum á eftir Bayern Munchen.

Með jafnteflinu lyfti Augsburg sér upp fyrir Hertha Berlin og upp í fimmtánda sæti deildarinnar en átján lið leika í þýsku úrvalsdeildinni.